5/3/14

5/3/14   WED   COOL

今朝嫲嫲過嚟, 佢話怕落雨喎, 是但啦! 搞掂就出門口, 今日坐程生順風車! 返到去笨元又係到跑, 叫佢比我摟住又唔肯, 唔鐘意比人見到喎! Fiona話我知原來琴日朝笨元又跑咗去, 佢叫番子元返嚟時就響我朵教訓佢啦, 笨元即刻定哂, 因為話會將曵嘢話我知嘛! 送咗佢入去就返工買早餐啦, 朝早都係自己做吓嘢先, 食完午飯老細返咗嚟, 問埋佢商會D嘢點搞啦, 之後就係咁做係咁做囉! 做到過咗放工時間都未諗掂, 蝕咗比佢呀! 不過諗唔掂GE嘢, 返屋企後喺個廁所沖沖吓涼就會諗得通, 幾好! 返到去先同笨元沖涼, 跟住我自己沖埋啦, 同笨元溫埋習跟住食飯, 我返到去柏仲瞓咗, 瞓到8點多先嘈, 餵完佢就玩陣啦, 九點幾再瞓過, 雖然都有喊吓, 不過老公用神之手拍吓佢又一路瞓啦! 見笨元做好哂嘢就開美國隊長比佢睇埋下半場先瞓, 睇到10點先瞓呢! 之後因為知仲仲要12點幾再食, 唔可以瞓著, 又見有幾集walking Dead未睇, 就一口氣睇咗3集, 好正呀, 正宗又要驚又要睇! 12點幾捉醒柏仲食埋奶放番佢入房又再瞓啦, 老公就煮宵夜, 食咗個麵先瞓!

4/3/14

4/3/14   TUE   COOL

今朝老公揍笨元返學, 我就喺屋企等阿媽過嚟照顧柏仲! 都係七點多起身叫醒佢兩父子, 然後餵柏仲食奶, 等阿媽來到交帶好就可以出門口啦, 買埋早餐返去嘆! 9點幾深哥嚟到就開始開票等, 都搞到11點幾呀, 真係寫到手都軟! 之後可以做埋自己嘢啦, 話咁快又食飯, 食完不久老細又返咗嚟, 真係好煩, 早知一早閃走唔好比佢煩到! 下午就真係要做商會嘢, 都做到天昏地暗, 不過人數仲欠少少未覆, 好多嘢都只可以做住先, 可能要再改所以都好難去完成, 感覺不良好呀! 放工即閃因老公話喺美孚交收笨元, 同埋笨元去咗買埋菜就回家啦, 返到去超忙, 因為阿媽真係我返嚟佢就走啦嘛, 先要同笨元沖涼, 跟住同柏仲沖涼, 仲要煮飯, 要睇笨元功課溫習, 真係人都顛, 笨元已經好叻仔, 叫佢默書溫書佢都肯, 話咗比佢知佢偷睇都冇用, 希望佢自律! 老公回來後煮雞翼, 咁7點幾8點已經有得食, 快手食完就餵柏仲啦, 初頭係到喊架, 都唔知佢喊咩, 好在一食就食哂啦! 老公亦好乖自動自覺咁洗碗, 我只係執吓手尾就得! 最後幫笨元檢查埋功課等等就比佢玩到9點半要瞓啦, 柏仲咪係咁喊囉, 等老公打暈佢, 我又喺梳化瞓咗, 差不多12點先迫住起身餵埋嗰餐就可以瞓啦!

3/3/14

3/3/14   MON   COOL

今日落樓先覺得凍, 都冇機會加衫啦, 因為時間很趕呢! 去到車站一陣有車啦, 揍咗笨元返去我就返工啦, 買埋早餐返去慢慢食, 跟住就做吓自己嘢囉, 星期一都比較忙, 話咁快又中午啦, 食食吓飯又要攞嘢落去比老細簽, 真係唔識趣! 下午都要做吓公事啦, 尤其商會D嘢, 應該好多嘢要跟但又好似咩都未做到咁, 因為人數未firm就咩都做唔到! 食埋tea就放工啦, 返到去蕃薯醒咗, 但我要搞掂笨元溫默書先, 所以唯有由得柏仲喊陣啦! 搞掂子元就可以同柏仲玩啦, 仲打暈埋佢, 等我地食完飯先餵佢! 都飲得好合作, 之後就同蛋糕影相啦, 柏仲3個月大啦嘛! 今次D相又影得好靚喎, 食得蛋糕嚟已經8點幾, 返到屋企快手沖涼, 柏仲梗係唔甘心自己喺房啦, 已經一人陪佢一陣架啦, 但到10點多都仲未肯瞓陣, 就放佢入房喊, 今日好長氣喎, 最終都係老公入去用佢隻神之手哄掂佢! 咁我地可以抖吓啦, 點知喺梳化又瞓著咗到11點幾醒啦先叫醒埋柏仲餵佢囉!

<柏仲3個月大啦!>

 <一家人影張相!>

 <到嫲嫲左擁右抱!>

 <返屋企後又要練習吓啦!>

2/3/14

2/3/14   SUN   COOL

今日要OT, 又冇OT錢喎, 點都要claim番佢車錢架啦! 朝早蕃薯七點幾醒啦咪餵咗佢先囉, 跟住笨元都起身, 老公一早就出咗門口去踢波, 返工又唔見佢咁知醒! 餵咗蕃薯就放番佢入房瞓, 我就煮早餐比笨元食, 之後就督佢做珠心算啦, 估到係長期作戰架啦, 做到我1點幾出門口都仲未做哂, 都唔明真係咁難做咩? 佢一路做我就摺衫咁啦, 老公10點幾到先返, 11點幾又要同蕃薯沖涼食奶, 但老公話唔舒服瞓咗, 所以佢返咗嚟都唔幫得幾多手, 都係我自己搞掂沖涼食奶, 期間仲要繼續捉笨元做數! 到點幾真係要出門口啦, 都幾唔放心架, 因為我自己整咗D嘢食咋, 笨元未食嘢架, 怕老公掛住瞓完全唔理兩隻仔, 但都冇辦法! 我兩點去到荷李活廣場架啦, 報到咗後先發現唔記得帶公司sticker, 好在仲有時間咪仆番去公司攞囉, 3點已返得到嚟, 不過趕嘛跑咗D路程, 搞到腳痛! 返到去主要去咗陪總監等黎生, 活動3:30正式開始, 佢真係3:30先到, 期間我就要做吓保母咁啦, 所以都冇咩坐低, 企咗個幾鐘, 活動到5點左右先完哂, 送咗黎生走都差不多! 老細一家大細話去食嘢, 我梗係唔join啦, 想第一時間閃啦! 行咗去撘巴士不過等咗好耐, 唔知係咪大風吹到頭痛, 加上個人已經攰, 真係超辛苦, 仲要買埋嘢返去煮, 真係攰到死! 返到去蕃薯瞓咗, 笨元先啱啱改好珠心算, 我真係支持唔住要攤吓! Hea 到7時多蕃薯又嘈啦, 我就餵佢再叫老公起身煮嘢囉, 都係簡單地食意粉咋! 我頭痛到爆, 老公叫我不如食藥沖涼先, 咁梗係順手幫笨元沖埋啦, 本來諗住搞掂就瞓, 但老公去沖涼時我又要睇住蕃薯, 之後放番佢入去喊, 佢喊到瞓咗, 我地又喺梳化瞓咗, 到十一點幾老公醒一醒先問我係咪要餵奶, 咁梗係啦, 7點幾飲過好難到過夜! 本來我換好片新比老公餵架啦, 點知佢又話蕃薯掛住同佢笑, 唔肯食! 最終又係要我餵, 真係人都顛, 好在柏仲都邊瞓邊肯食, 食飽又再瞓!

1/3/14

1/3/14   SAT   COOL

今日都係分工合作的一日, 朝早我揍笨元去畫班, 老公喺屋企揍柏仲, 我就買咗個粥返公司食, 唔洗吓吓麥當當咁熱氣! 返到去都係hea 吓啦, 係留意番明天嗰個頒獎禮有咩要做, 等緊放工時老公帶埋兩隻豬仔上嚟, 今次柏仲比我地整醒咗啦, 比我地玩咗一輪, 夠1點就閃人啦, 去食咗D嘢老公就同子元去踢波, 我就同柏仲回家, 返到去都唔係閒架, 好在蕃薯都合作喊咗陣就自己瞓, 我就洗衫摺衫打掃執吓笨元D玩具囉, 佢兩父子喺屋企好似打仗咁, 亂到死! 做得嚟都五點幾, 約咗程生佢地晚飯, 今次轉吓場去另一間, 不過就要等吓位囉, 同埋人太多唔休做咁, 再加餸後追咗N次都冇嚟咪唔要囉! 跟住又去咗食雪糕, 咁食法唔肥先奇! 柏仲就慘D, 冇得食住, 返到屋企又唔嘈啦喎, 咪等到9點幾先比佢食囉, 咁又可以天光啦, 不過係食少咗一餐囉! 我地就可以休息吓, 笨元又想睇美國隊長, 不過睇咗半個鐘佢都攰囉, 話唔睇住! 我都早早就瞓啦, 太攰! 老公就睇波, 唔理佢啦!