1/3/14

1/3/14   SAT   COOL

今日都係分工合作的一日, 朝早我揍笨元去畫班, 老公喺屋企揍柏仲, 我就買咗個粥返公司食, 唔洗吓吓麥當當咁熱氣! 返到去都係hea 吓啦, 係留意番明天嗰個頒獎禮有咩要做, 等緊放工時老公帶埋兩隻豬仔上嚟, 今次柏仲比我地整醒咗啦, 比我地玩咗一輪, 夠1點就閃人啦, 去食咗D嘢老公就同子元去踢波, 我就同柏仲回家, 返到去都唔係閒架, 好在蕃薯都合作喊咗陣就自己瞓, 我就洗衫摺衫打掃執吓笨元D玩具囉, 佢兩父子喺屋企好似打仗咁, 亂到死! 做得嚟都五點幾, 約咗程生佢地晚飯, 今次轉吓場去另一間, 不過就要等吓位囉, 同埋人太多唔休做咁, 再加餸後追咗N次都冇嚟咪唔要囉! 跟住又去咗食雪糕, 咁食法唔肥先奇! 柏仲就慘D, 冇得食住, 返到屋企又唔嘈啦喎, 咪等到9點幾先比佢食囉, 咁又可以天光啦, 不過係食少咗一餐囉! 我地就可以休息吓, 笨元又想睇美國隊長, 不過睇咗半個鐘佢都攰囉, 話唔睇住! 我都早早就瞓啦, 太攰! 老公就睇波, 唔理佢啦!