19/3/14

19/3/14   WED   WARM

今日奶奶過嚟揍柏仲, 咁我就可以晏D起身, 出門口時已嚟到, 老公仲未起身, 柏仲就已經醒咗, 好可愛咁同你笑, 你話點捨得出門口! 而家早到就早D出門口, 所以都趕得切車, 返到去笨元又IRON MAN上身咁啦, 不過佢唔跑唔嘈就算! 之後咪買早餐返工囉, 琴日仲幫襯緊GE大快活話執就執, 搞到我要行番一條街去買早餐呢! 上午都係做自己嘢囉, 話咁快又放LUNCH, 老細又勁早返咗嚟, 篤眼篤鼻咁啦! 下午想做吓自己嘢都唔得, 因為係咁開會, 煩死! 到四點幾先有番D私人時間, 食埋tea就放工啦, 返到去沖好涼又要睇笨元功課又要理吓柏仲, 都有D分身乏術, 好在奶奶會煮飯, 做少呢樣差好遠! 捉笨元做埋珠心算又開飯啦, 放咗柏仲喺學行車等佢自由活動吓, 放上FB前加咗句叫D人唔好話坐學行車唔好等, 廢事煩! 食完飯就陪住柏仲囉, 一放佢落床就喊, 等嫲嫲返咗屋企先放柏仲落床喊! 喊咗陣都瞓啦, 咁就K.O.埋笨元, 可以自由時間, 到十點幾就餵奶, 但仲仲都係掛住瞓多過食, 食得4安就熟睡中, 都唔迫佢囉!