13/3/14

13/3/14   THU   COOL

今日又係已經早咗起身, 點解都係做唔到7:15就餵奶! 出得門口都唔算趕, 揍咗佢返學到我返工啦, 而家車程就睇星星, 都唔知幾時先睇得完! 返到去都係做嘢啦, 老細無端端打返嚟話明天有客上嚟, 要執咗佢嗰邊個OFFICE, 我地已經即刻執同找人搬D嘢落鋪架啦, 都好似仲有嘢嫌咁, 真係好煩! 執好佢嗰D嘢先可以做番自己嘢呢, 話咁快又食飯, 好在佢地今日冇早返, 咁可以悠閒睇我套星星囉! 下午又要做公事啦, 位是永遠排不完的, 一時呢個話唔到, 一時嗰個話加人, 真係我顛先! 反正改極都改唔完, 明天再算, 夠鐘走人! 返到去笨元有做緊珠心算, 但慢動作嗰隻囉, 係要我喺隔離睇住先識快! 柏仲又要人抱, 咪抱住佢嚟教子元囉, 到食飯就要柏仲坐梳化囉, 佢真係好搞笑會自己玩手! 差不多8點又要走人啦, 返到去仲要沖涼溫默書, 搞掂先比佢玩陣, 好快又要瞓, 柏仲玩咗陣就比老公打暈咗先, 11點先叫佢起身食奶!