11/3/14

11/3/14   TUE   COLD

今日都係6點9起身啫, 唔明點解搞到7:30先開始餵到奶, 加上柏仲扭扭地, 仲要臨尾續親嘔, 又要老公去清理, 結果出得門口已7:55, 趕巴士勁驚險, 去到橋底有少少塞車, 但41A已到美孚口, 好在紅燈頂一頂住, 馬上叫司機比我地落車先, 過得切馬路就安全啦, 不過由於太刺激, 眼前開始黑, 耳仔聽唔到嘢, 我知我會暈, 但又唔可以暈, 就係靠一丁點意志扶一扶住, 終於清醒番上到車啦, 我都覺得好危險, 萬一真係暈咗就大件事! 返到學校好早啫, 笨元又玩到顛, 比我罰站完入到學校又比關主任話! 到我返工啦, 繼續邊睇我套來自星星的你咁, 真係幾好睇, 人地個個睇哂我先開始呢! 今日都一般忙啦, 要做的都做得七七八八, 只係人數上有機會加減啫, 咁都唔會好大變動, 做到咁上吓又食午飯啦, 老細勁早返嚟又係到不停講嘢, 好煩! 下午都係做喺商會嘢啦, 放工返到去今日仲仲唔放過我啦, 要扭吓計咁, 睇咗笨元功課溫埋默書, 就可以抱吓柏仲啦, 到我地食飯時柏仲就係咁喊, 好似話佢冇份食咁! 8點又走人啦, 返到去笨元洗咗白白可以自由啦, 柏仲坐咗出梳人都喊, 所以之後老公捉番佢入房噯, 到11點多就餵埋奶, 12點前可以瞓覺啦!