7/3/14

7/3/14   FRI   COLD

今日都係嫲嫲過嚟照顧柏仲, 咁我揍笨元返學啦, 都幾趕架, 但點都趕到啦! 買早餐返公司食啦, 之後都係要做商會D嘢, 呢排都係預咗要OT架啦, 朝早寫好自己嘢就係咁做啦, 好在都唔多人阻住, 可以專心咁做! 午餐後齊齊出咗去惠康買零食, 買完返嚟老細們返咗, 但唔理咁多, 等佢地知道我地呢個鐘係午飯時間係有自由架! 下午就不停做排位D嘢, 做極都唔完, 不過放工都走啦, 下星期再做! 返到去又見到老爺喺到, 奶奶應該約咗佢食飯囉, 我一返到去佢地都走啦, 咁我第一時間梗係捉笨元去做功課先, 因為佢已經食咗烏冬啦! 但柏仲又嘈喎, 真係辛苦到我呢! 點都叫做同佢做好功課啦, 又餵好埋柏仲飲奶, 夠鐘就出去合唱團, 然後就同埋程太去食晚飯啦, 吹吓水咁幾快又9點! 接咗佢地後就玩咗陣先走, 返到去仲仲照瞓, K.O. 咗阿笨抖陣又餵埋柏仲, 收拾埋明天運動會的行裝, 終於可以瞓覺啦!