10/10/16

10/10/16   MON   COOL

雙十假期仲要係星期一, 真好! 不用學嘢等, hea到9點幾才起身, 咁兩隻細當然已經起咗, hea到10點幾11點才出到門口去食早餐, 程家約去迪欣湖玩車, 咁都好呀我地本來都預去踩車! 食完早餐回家, 同子元溫書, 溫到數學條友根本仲未明, 但又唔出聲, 做到錯哂比佢激死! 最終搞到點幾兩點先出到門口去會合, 兩車三家入迪欣, 同埋晴晴家呢! 去到先落客再泊車, 我已經肚餓, 老公好辛苦喺嗰到間七仔買到個叮叮嘢食頂住先! 找到個地點安頓就可以玩啦, 唔覺唔覺玩咗兩個幾鐘, 都幾係攰呀不過見住佢地玩吹泡泡呀踩車咁, 不過敏瑩就跌到流哂血囉, 好在之後都冇咩! 晴晴家唔一齊食晚飯, 程生就車佢地去地鐵站先再去東涌買嘢, 我地就後join去機場食晚飯! 我地要一揍四行去停車場, 過到機場諗住放佢地喺行李車行, 點知一到玩具店時, 落車落得急, 婷婷失平衡就用塊面落地, 瘀咗! 好在都算快收聲! 等程生佢地嚟到就近近地食板長算, 好肚餓啦! 食完閃都係8點幾啫! 不過兩個喺車都瞓哂啦, 仲爺返到去都係瞓住咁沖涼換衫即瞓! 我地就睇埋電視先瞓啦!

 

 

 

 

 

 

 

 

 

 

 

 

9/10/16

9/10/16   SUN   HOT

星期日都係要7點幾起身啦, 跟手去畫班, 今日婷婷不用學嘢, 唔洗趕啦可以嘆早餐才再去睇吓阿媽, 好在佢朋友回港喺佢到住, 咁都叫做就近有人照顧買吓餸咁! 搞掂接佢地一齊返咗美孚, 我地就回家, 子元都係要溫書架, 但都未溫到D咩, 淨係識得係到拖, 激死人! 最終夠鐘就出咗去, 踢完回來再做! 仲爺就要做功課啦, 做完同佢去超市shopping, 買完嘢返嚟仲仲一齊幫手擺嘢, 比佢再玩吓就入房瞓, 初頭都唔願瞓架, 但見佢留喺房冇出嚟就由得佢啦! 我有我摺衫執屋, 老公3點幾返咗嚟, 一齊hea到5點多仲爺都未醒, 都要捉佢起身出去食D嘢又街街, 去咗奧海城行吓, 竟然買到PIPA PIG比仲仲呀, 咁玩咗兩個鐘又諗唔到有咩好食, 就返長沙灣食, 諗起有間西餐就去試吓啦, 堅好食喎, 又唔算貴, 4百幾! 食完回家啦, 已經9點幾! 白白完睇電視, 都12點幾先瞓呢!

 

 

 

 

 

8/10/16

8/10/16   SAT   HOT*

3日假期開始, 最想都係瞓晏D, 但都係冇咩可能, 仲爺照樣嘈醒你, 拖到9點幾起身出去食早餐, 然後回來做埋功課先, 1點又要出去踢波啦, 仲仲同我就喺執嘢玩吓囉, 見佢又唔多想瞓咁都冇迫佢! 2點左右阿媽打嚟話佢唔多舒服, 喺美孚個FD屋企想要返去, 問我可唔可以去接佢, 最終叫老公一齊過去接佢, 安頓好佢上樓休息我地又要去接子元放乒乓球, 仲要買埋午飯返去食, 仲仲喺車瞓咗, 都瞓夠個幾鐘, 返去食完嘢就再同子元做埋佢D功課溫書等等才出街! 諗唔到去邊就去咗九龍灣咋, 睇吓玩具睇吓鞋食吓嘢就閃了, 又食綠茶館真係好好味! 回家後都係沖涼睇電視瞓覺啦!

 

 

 

 

7/10/16

7/10/16   FRI   HOT

星期五, 又是long weekend前, 真係幾冇mood開工! 朝早都係如常咁返工返學啦, 返去都係做吓公事做吓自己嘢, 午飯後都係睇吓電視, 下午都係做吓公事啦, 再整吓個旅行嘢, 預今晚講GE! 放工即閃去買餸, 即興今晚打邊爐要買料, 快手買起就去接佢地放合唱團, 然後去游水啦, 今日Gloria不用教琴早上來, 咁都係幫手set吓場啦, 夠鐘放游水回來沖好涼食得! 本來想傾旅行嘢但都價唔到D咩, 不過大致都了解咗我個PLAN OK! 邊爐完吹埋水, 仲有letty一家都上哂嚟一齊玩, 所以11點多先走, 執埋嘢沖涼都趕得切睇芉月, 明天又短周都唔洗咁早瞓!

6/10/16

6/10/16   THU   HOT

今日都好hea吓! 仲仲又一齊起咗身啦, 換好校服先落樓送哥哥校車, 搞掂就返學啦, 都有少少趕, 老公慢吞吞咁! 返到公司都係做自己嘢啦, 明天想整起比佢地睇, 雖則Gloria話都係會比人band, 但佢會撐我喎, 佢睇咗我個計劃覺得OK! 午飯後去咗買麥當當個corn批, 又幾好食喎! 下午更加沉迷睇旅行嘢啦, 我開始計埋錢添啦, 要洗幾多, 入場費玩嗰D要幾多, 自己都要有個預算, 好似上次新加坡咁, 我預算同實際只差百幾蚊, 我都覺得自己好叻, 哈哈! 放工去接笨元, 佢今日心情都好啦, 因為溫好書做好嘢啦嘛! 返到去佢都要繼續做埋手尾, 還有做網上功課, 我開咗機比佢做就算, 我要煮飯! 快手煮完食完就去打波跑步啦, 今日子元好似食咗禁藥咁, 好跑得喎, 我臨尾同佢衝我都冇氣! 都係時候教吓佢短跑的技巧, 不過佢D基本動作真係有待改善囉! 返去沖好涼安頓好佢地我都可以沖涼休息摺衫等等, 但又食咗個麵先瞓, 唉….點跑都冇用!

5/10/16

5/10/16   WED   HOT

今日仲仲竟然又瞓到好晏, 叫佢起身個樣好可愛呀! 搞掂就返學啦, 但就勁趕囉, 開門前先趕到! 返到公司今日都係找旅行嘢, 難得老細唔返囉, 又有mood咪做吓囉! 咁當然都有做公司嘢GE! 午飯後就打機吹水啦, 不過下午就要開會囉! 開完都4點幾, 整多陣嘢就放工! 返去接笨元回家煮飯, 其實都冇咩, 佢話做哂功課, 咁就比佢休息吓, 到食完飯老公要出去銀行整D嘢, 咁就諗住先K.O.咗仲仲, 再等佢回來先帶子元落去跑步, 點知個衰仔又唔識, 叫佢抄又喊哂口咁, 最終叫佢沖涼先, 然後等我沖時集中溫, 咁最終都默到詞語, 但又11點先瞓得到, 我又睇少咗laughing, 激死!