10/10/16

10/10/16   MON   COOL

雙十假期仲要係星期一, 真好! 不用學嘢等, hea到9點幾才起身, 咁兩隻細當然已經起咗, hea到10點幾11點才出到門口去食早餐, 程家約去迪欣湖玩車, 咁都好呀我地本來都預去踩車! 食完早餐回家, 同子元溫書, 溫到數學條友根本仲未明, 但又唔出聲, 做到錯哂比佢激死! 最終搞到點幾兩點先出到門口去會合, 兩車三家入迪欣, 同埋晴晴家呢! 去到先落客再泊車, 我已經肚餓, 老公好辛苦喺嗰到間七仔買到個叮叮嘢食頂住先! 找到個地點安頓就可以玩啦, 唔覺唔覺玩咗兩個幾鐘, 都幾係攰呀不過見住佢地玩吹泡泡呀踩車咁, 不過敏瑩就跌到流哂血囉, 好在之後都冇咩! 晴晴家唔一齊食晚飯, 程生就車佢地去地鐵站先再去東涌買嘢, 我地就後join去機場食晚飯! 我地要一揍四行去停車場, 過到機場諗住放佢地喺行李車行, 點知一到玩具店時, 落車落得急, 婷婷失平衡就用塊面落地, 瘀咗! 好在都算快收聲! 等程生佢地嚟到就近近地食板長算, 好肚餓啦! 食完閃都係8點幾啫! 不過兩個喺車都瞓哂啦, 仲爺返到去都係瞓住咁沖涼換衫即瞓! 我地就睇埋電視先瞓啦!