9/10/16

9/10/16   SUN   HOT

星期日都係要7點幾起身啦, 跟手去畫班, 今日婷婷不用學嘢, 唔洗趕啦可以嘆早餐才再去睇吓阿媽, 好在佢朋友回港喺佢到住, 咁都叫做就近有人照顧買吓餸咁! 搞掂接佢地一齊返咗美孚, 我地就回家, 子元都係要溫書架, 但都未溫到D咩, 淨係識得係到拖, 激死人! 最終夠鐘就出咗去, 踢完回來再做! 仲爺就要做功課啦, 做完同佢去超市shopping, 買完嘢返嚟仲仲一齊幫手擺嘢, 比佢再玩吓就入房瞓, 初頭都唔願瞓架, 但見佢留喺房冇出嚟就由得佢啦! 我有我摺衫執屋, 老公3點幾返咗嚟, 一齊hea到5點多仲爺都未醒, 都要捉佢起身出去食D嘢又街街, 去咗奧海城行吓, 竟然買到PIPA PIG比仲仲呀, 咁玩咗兩個鐘又諗唔到有咩好食, 就返長沙灣食, 諗起有間西餐就去試吓啦, 堅好食喎, 又唔算貴, 4百幾! 食完回家啦, 已經9點幾! 白白完睇電視, 都12點幾先瞓呢!