14/10/16

14/10/16   FRI   WARM

今日係結婚10周年呀, 不過都係要照常的星期五! 早上仲爺竟然喺我地出門口前醒咗, 局住帶埋佢落去, 返上樓快手搞掂出門口啦, 好在都趕得切! 返公司後今朝都不算忙, 可以做吓自己嘢先! 午飯後睇吓劇啦, 下午老細返咗嚟就煩, 係煩足我一個下午, 真係頂佢唔順! 又要同佢搞機票, 下星期跟商會團去大陸, 又要早返喎, 又要自己額外訂過飛等等, 又洗錢又煩人, 就只係唔想Stay多嗰大半日, 正PK! 咁我一個下午就係到搞佢地D機票, 因為又要處理埋佢阿媽D飛等等, 總之全個下午都係咁忙啦! 放工不用買餸, 老公話今晚餐飯佢負責, 咁我又期待吓先! 所以放工我就返咗去樓下間惠康入貨, 飲品等等都可以入定貨, 買完返去攞齊嘢又出小童接佢地, 然後就去游水啦, 子慧今日唔游, 咁就跟我返屋企先, 唔洗煮飯真係好輕鬆! 原來老公去咗買生蠔&KFC, 仲有Gloria帶咗支酒過來, 好正呢, 咁我真係覺得開心! 食完又唔係好多碗要洗, 執好嘢就得, 吹吓水沖埋涼睇電視, 12點幾先瞓呢!