23/10/16

23/10/16   SUN   HOT

星期日都係如常咁啦, 朝早趕D豬起身去畫班呀, 今日要車埋婷婷去小童先食早餐, 食完又要接番佢啦, 然後都係去買吓嘢咁, 又夠鐘放學! 回家後先溫中英數常, 放佢去踢完波先, 返來再做數, 明天數進評呀! 佢地閃咗就到仲爺做功課, 真係命都冇! 做好就煮午餐, 冇咩嘢喺手, 都係煮吓烏冬蒸吓牛肉咁就算, 仲仲邊睇電視邊食哂喎! 食完比佢玩多陣就瞓覺啦, 我終於可以抖一抖, 又要摺衫啦, 等子元回來又要影D數比佢做, 老公5點到出咗門口去踢波, 子元呢做做吓瞓鬼咗, 頂! 好在叫醒佢都完成到, 等仲爺醒咗都係放佢地自己玩啦, 我就要hea吓呀! 等老公8點幾返到嚟, 一齊出去食晚飯, 都係喺長沙灣食愛群咋, 不過叫3個餐都要4百幾蚊都係貴, 下次可能真係叫兩個都夠食! 食完回家沖涼瞓覺, 我都睇睇吓芉月瞓吓咁, 真係攰了!