11/10/16

11/10/16   TUE   COOL

放完長假期啦, 又係時候回魂! 今朝要整子元個長通粉沙律, 都有點趕, 揍仲仲時又攞漏嘢, 結果趕唔切接更揍婷婷, 仲要排隊呢, 好在都好快! 返到公司都係寫吓日記咁啦, 有4日嘢要寫都幾係多, 仲要過埋D相呢! 老細係返過嚟開會, 不過係開佢地D高層會議, 唔關我地事, 下午佢又唔返, 咁都Free D! 午飯後都係hea! 下午又開始睇吓高雄之旅, 想睇吓有咩地方食早餐, 我想食地道早餐呢! 放工去接子元, 都唔係好諗到買咩餸, 嗰間惠康D餸愈來愈唔掂, 都要想想辦法啦! 回家快手煮飯食飯, 忙忙亂亂咁, 幾個都算合作, 有幫手執碗抺地, 都趕得切落去打到幾個字波再去跑步, 返到去沖好涼就K.O.仲仲, 睇埋子元功課溫埋默書就沖得涼, 之後仲要執衫等等, 結果今日攰得滯, 睇睇吓芉月瞓著咗, 老公又冇叫醒我喎!