18/10/16

18/10/16   TUE   RAIN 3號風球

今日3號風球, 仲仲唔洗返學, 但佢一早就起咗身又係都要落去送哥哥校車, 落雨嘛又係都要落去! 今日老公車仲仲入去就得, 我自己夠鐘先返工, 夠哂時間可以整吓呢樣整嗰樣, 返到去都係做吓自己嘢做吓公事啦! 午飯後都係睇電視啦, 咁大雨梗係唔郁! 下午都冇咩特別, 要諗吓議程咁啦, 個個都話星期五唔會打風, 係咪我太緊張呢! 放工去接笨元, 不用買餸因琴日出咗去食嘛D餸仲喺到, 過到去笨元仲差少少功課未完成, 等佢做埋先, 因為阿媽而家要佢先溫書後做功課, 咁佢個速度就會快好多! 返到去我有我煮飯啦, 我叫子元唔好打機睇吓書, 佢就睇佢堆小百科, 係唔睇故事喎! 食完飯可以慢慢收拾抺地啦, 都唔洗趕落去跑步! K.O.咗仲仲就幫子元睇功課, 10點多諗住沖涼架啦, 點知收到老細個MSG, 話咩鬼D里程登記未能辦理, 我第一時間都係諗到幫大老闆娘換里數的事, 但佢就話係佢機票, 要我打去問一輪, 咪真係關大老闆娘換里數的事囉, 阻鬼住哂! 睇埋芉月就瞓啦, 好攰!