29/10/16

29/10/16   SAT   HOT

今日長周要返工啦, 仲爺6點幾就已經起身, 完全冇理我感受, 搞到我勁頭痛囉, 激死! 返到去都係hea, hea到差不多放工叫咗老公帶佢兩隻嘢上嚟, 最終係子元帶住仲仲上嚟, 子元仲話佢差D記錯樓層! 玩咗陣落番樓就去食嘢, 食完子元就去乒乓球, 我地就回家, 仲爺瞓咗, 我整咗陣嘢到3點幾都瞓陣, 老公去咗接子元, 等佢地返嚟, 仲爺又醒咗就要同子元溫書, 都係溫吓常識先, 溫極都仲係覺得佢唔夠熟咁, 因為老公9點喺葵芳踢波, 所以去咗葵芳食粥嗰間, 仲仲真係識食, 米芝蓮就搶食! 食完本來想買番對拖鞋款涼鞋, 但就係冇囉! 咁老公就去踢波, 我地自己撘地鐵返去, 沖好涼都係hea, 冇再溫書啦!