25/10/16

25/10/16   TUE   HOT

今日都係如常咁返學, 朝早都係咁返工返學啦, 返到公司整吓仲仲D相, 學校派咗隻N組的碟, 咪過番D相落去囉, 跟住就整商會嘢, 午飯都係睇吓電視食飯啦! 下午老細返咗嚟, 好在都唔係好多嘢搞, 都係佢地D高層開會啫, 我就自由活動啦! 放工去接咗子元就回家, 仲要接埋仲仲, 佢喺嫲嫲到飲嘢燙到個嘴, 搞到瞓唔到晏覺, 結果喺車到瞓咗, 咁就抬佢上樓囉, 放喺梳化由佢瞓吓先, 到我煮好晚餐, 同仲爺換埋片佢都唔醒, 就抱佢入房瞓, 我同子元就食晚餐, 今日食雞肉火腿芝士長通粉, 可以留番D料明天轉沙律醬子元又可以帶飯啦! 跟住都係沖涼, 叫子元做英文練習, 又做吓重組句子咁囉, 唉…好似好多嘢未溫咁, 但又好似唔知可以點溫, 書已經冇咩可以再睇, 反而係要佢做練習好過, practice多D好過! 等佢瞓咗我就休息, 堅喺攰, 本來想睇電視都瞓著咗, 瞓到芉月開場又醒, 老公11點幾返到嚟嘛, 佢都攰啦, 睇完芉月即瞓!