19/3/17

19/3/17   SUN   WARM*

老公今晚返啦, 不過早上我還是要一個人頂哂! 8點起身就去畫班, 由於長時間在外關係, 我帶埋車仔放吓嘢, 買咗麵包比佢地喺車食, 跟住上到畫室仲爺又畫一餐啦, 然後買埋早餐就上阿媽到食, 仲爺食嘢就唔食啦, 但就疴POPO囉, 食完hea到10點幾我就自己過去揍笨元, 因為落雨嘛, 最終都係要買咗把遮囉! 揍完佢返去阿媽到再hea啦, 12點先喺四小龍嗰邊學鼓, 11點幾玩埋遊樂場出發, 準時12點前到, 送咗子元入去本來諗住過AEON比仲仲睇吓玩具, 但落住雨我又唔想過嗰條路, 就喺我諗緊過定唔過之時, 喺泓景見到程家放飯, 簡直係打救咗我呀, 一齊去飲茶, 等住位叫住嘢, 笨元1點放就齊齊食飯, 不過都叫得太多食唔哂! 食完返得屋企都2點幾, 執一執嘢就趕仲爺去瞓, 笨元又係做卷啦, 考試係咁架啦, 其實常識都唔知可以點溫, 字佢又好似真係識啦, 咁都係唯有做GE啫, 做吓又對吓又教吓咁囉, 我都好攰, 呢幾日仲爺咁早醒我堅係攰! 溫到仲爺瞓醒就放人啦, 比佢地玩吓, 我又郁動吓啦, check咗老公班機6點已降落, 咁佢8點前都已經返到嚟啦, 近近地去長沙灣食米線咋, 食得嚟都9點幾, 回家快手沖涼瞓啦, 不過都攞埋D士多啤梨比Letty佢地啫, K.O.哂佢地沖好涼可以hea吓敷吓mask, 點幾鐘先瞓呢!

 

 

 

 

 

 

 

18/3/17

18/3/17   SAT   WARM

今朝仲爺又係6點就醒, 佢好明顯係掛住daddy! 磨到8點迷迷糊咁起咗身啦, 等嫲嫲嚟到我就帶佢地落去酒樓會合, 買早餐返工嘆吓啦, 今日好明顯係返嚟hea, 印吓卷比子元做等等, 放工就買埋午餐返去換更, 等佢兩個食飽抖陣, 3點就趕咗仲爺入去午睡, 子元就由2:30開做卷溫書做卷咁, 到6點仲爺醒咗就放監啦, 由於困獸鬥都好悶, 想出去食又唔知去邊, 於是就問吓Letty佢地一唔一齊食飯, 結果順手放埋電, 比佢地去踩車, 溫完書係可以休息吓GE! 去咗北海道食就快靚正啦, 跟住近近地去番泳池出面踩車就算, 之後再轉場去咗華荔平台玩捉, 玩到9點閂燈就回家啦, 咁樣放哂電, 返去沖涼瞓覺, 我輕鬆好多!

 

 

 

 

17/3/17

17/3/17   FRI   COOL

仲爺唔知係咪索唔到陸生啲味, 好早就醒, 又係6點多喺到唱歌, 最辛苦係我! 順利揍哂佢地返學就返工啦, 朝早都係開吓會做吓嘢咁啦, 午飯後都係睇電視咋, 老細今日唔返真係好, 耳根清淨好多! 下午都係hea咋, 真係冇咩嘢忙, 咁放工咪返屋企囉, 攞好泳衣去接笨元去游水, 小童今日報活動, 但我地想報的car camping full咗, 冇得玩了! 揍咗笨元去泳池就返屋企先, 執咗廚房的膠袋, 又掉咗堆垃圾, 8點落去接佢再去香港地食晚餐囉, 食完嫲嫲話去買珍珠奶茶, 仲爺本來話食麥當勞雪糕, 但去到買緊珍珠奶茶時佢又扭話要, 不過係冇嘢啱佢飲架嘛, 佢持住有嫲嫲喺到就扭, 即刻喊! 我梗係唔會就範啦, 嫲嫲想即刻問佢要飲咩氹番佢, 但我stop咗佢, 喊仲即刻得到嘢, 冇可能囉! 我由得佢喊陣先, 因為係需要發洩咗先, 然後比佢摟摟, 話佢知喊係咩都唔會得到, 要佢收咗聲先, 再話而家可以去買雪糕, 咁咪解決囉, 唔係當佢神咁供奉, 要咩有咩! 邊食邊回家返去佢兩隻嘢就沖涼啦, Barry同Janice就上嚟啦, 因為叫咗Barry幫我買printer墨順手裝埋嘛, 咁又吹吓水咁, 11點左右佢地先走, 咁我就沖涼摺衫休息囉!

16/3/17

16/3/17   THU   COOL

今日都係咁啦, 要揍兩隻豬返學, 仲爺唔知做咩咁早起身, 我琴晚睇埋妙手先瞓已經好攰, 佢就6點已經喺到唱歌, 頂! 搞掂哂佢兩個返學我就返工啦, 仲爺而家可以食哂一個腸仔包做早餐, 好勁呀! 返到公司再嘆吓早餐咁啦, 跟住都係做吓自己嘢, 冇咩特別啦! Hea到午飯就食飯睇電視啦, 老細今日冇返嚟喎, 幾寧靜呀, 不過佢兩公婆就搞著我囉, 佢老婆就買咗機票返嚟諗住玩驚喜, 我就冇為意問咗老細佢老婆係咪返香港, 煲就穿咗架啦, 麻煩佢扮驚喜唔該, 點知佢又話老婆返嗰日佢又可能要返北京, 所以都唔知佢想點, 總之就搵著我嚟搞啦! 放工就去接笨元, 返到屋企對吓佢下午喺婆婆到做嗰份卷啦, 錯到呢!!! 咁因為開飯啦嘛, 就食完飯先嚟開佢拖! 有嫲嫲洗碗, 咁我直接去開子元拖, 仲爺初頭都入嚟搞事, 咁等嫲嫲得閒可以睇住佢, 我就可以教番阿笨爺囉, 都唔明佢唔明咩, theory識架喎, 但就係唔識運用囉, 佢平時都真係唔夠恒常練習做, 睇嚟大考前我都唔可以鬆懈, 平日溫習唔係明theory就得, 係要識得運用埋出嚟! 老公就一早瞓啦, 佢喺嗰邊又快一個鐘呢, 不過由於天氣關係, 有可能要delay, 向錢看就點睇係好事GE, 係嫲嫲辛苦D囉要成日出嚟! 終於叫做溫完, 明天考成點又另一會事啦! 沖好涼可以睇電視都11點囉, 邊摺衫邊睇電視, 1點多先瞓, 夠哂攰一入房就瞓著!

15/3/17

15/3/17   WED   COOL

今朝老公要飛啦, 有新地點去 – 濟洲! 由於9點多機, 所以6點幾就要起身出門口, 咁我就要自己揍完笨元校車再揍仲爺返學啦, 咁慢慢去撘巴士買麵包轉小巴, 去到同婷婷玩吓咁! 買咗豐富早餐返公司食, 點知開會時經理真係請飲starbucks, 咁就真係飽到食晏時都食唔落啦! 午飯時計算到老細又會晨早返嚟, 所以食完快閃出咗去, 但都喺佢返咗嚟之後先出去, 佢又好似唔like咁, 不過真係想叫佢醒水D啦, 都唔知人地唔想聽佢講嘢, 佢試吓佢只係一個大叔, 睇吓有冇人願意聽! 結果下午佢講足幾個鐘咁滯, 真係攞命! 放工返去接笨元, 佢都溫好書GE, 咁返到去嫲嫲煮好飯就可以食, 我就梗係會幫手開飯啦, 食完就吸塵抺地囉, 嫲嫲返咗去就比佢地玩到8點半, 沖完涼趕咗仲爺去瞓, 但佢都搞咗好耐都未瞓, 笨元又搞好耐都未溫到書, 點都要再同佢go through吓先安樂, 本來要佢做常識佢都做得嗰兩頁, 已經10點幾啦, 寧願佢瞓覺算, 反正常識仲有幾日時間可以溫! 我就摺吓衫睇吓電視咁, 最終都睇埋妙手仁心先瞓! 老公就係咁用whatsapps的視像同我地傾電話, 又幾好玩喎!