25/8/14

25/8/14   MON   HOT

又要返工啦, 柏仲都算正常時間起身啦, 搞掂佢就出門口返工啦, 朝早都係做自己嘢, 寫番哂日記同執吓相咁, 又要prepare子元開學D嘢, 十九幾萬樣嘢去跟! Lunch買個麵食, 睇吓電視咁啦, 下午都係hea過吹吓水咁啦, tea有同事話食starbucks, 咁開公數冇所謂啦, 放工行返去借埋圖書買埋少少文具, 快手沖個涼睇住柏仲, 因為子元瞓咗, 瞓到開飯先肯起身, 柏仲就食完粥仲要食飯, 然後同daddy玩, 我就整埋笨元D返學嘢, 等佢沖完涼要佢著件校服影埋學生相先, 幾辛苦先影到一兩張好! 之後終於開到mytv睇番琴日套running man, K.O.埋柏仲就可以一齊睇啦, 睇哂都就嚟11點笨元先瞓呢! 我都眼瞓, hea到11點幾就瞓啦, 瞓瞓吓柏仲喊醒, 老公好衰, 12點幾我地瞓入眼不久, 柏仲發夢喊醒, 我推醒咗佢話: "柏仲唔知喊咩呀!" 跟住佢係有起身噯佢, 但就話:"喊咪噯番佢囉!"悔氣嗰隻語氣, 我嗰吓真係有D火架, 平時朝早柏仲6點就係到嘈嗰時, 次次都係我去處理, 我推醒你一次就發我脾氣, 大家都想瞓架啦, 你易瞓番嘛, 噯一次唔得GE!

24/8/14

24/8/14   SUN   VERY HOT

今日都係節目豐富的一天, 朝早7點幾起身就要揍笨元去畫班, 由於老公去踢波, 我要一揍二呢, 過到去買埋自己份早餐啦, 程生嚟到佢可以揍住柏仲先, 比佢發現到柏仲條刀疤, 其實係琴晚個衰仔行到去子元房門時失平衡跌到囉, 撞咗埋去, 本來腫哂架, 好在我地識即刻敷冰都好快消腫但就有條痕囉! 揍咗佢地上畫室我都係唔返屋企, 去阿媽到等算啦, 等佢同婆婆玩吓我又可以輕鬆吓呢! 到10點幾就過返去接笨元, 柏仲就已經瞓咗, 佢熱我又熱呢, 好在等咗陣就有車回家, 一返到去佢就醒咗, 真係激死! 唔理得咁多, 我都要打掃咗地方先比佢落地, 咪叫子元喺床仔引住佢先囉! 打掃好放佢落地玩, 我就再執定去游水D嘢, 約咗敏瑩佢地去新屋會所嗰邊游水呢, 笨元問咗我一日, 起煩! 等老公回來佢就煮會飯, 柏仲食完奶食咗粥仔就比daddy打暈咗佢, 老公一齊瞓埋, 我就繼續執嘢好怕執漏嘛! 到2點多開始可以hea吓, 3點到柏仲醒啦, 就出門口去新屋會合, 佢地都係剛剛到, 搞掂就去換衫落水, 個池都OK好玩呀, 笨元算叻仔, 喺D女面前嘛總要扮勁! 攞住塊浮板就周圍游, 真係唔驚! 但估唔到係柏仲驚喎, 要一輪時間warm up, 到中段先識enjoy呢! 玩咗個幾鐘分頭沖涼啦, 會所設施都好好, 老公先K.O.咗柏仲, 我睇一睇住佢先, 等佢沖完照顧柏仲我就去揍埋笨元入嚟沖涼啦, 搞掂哂佢地去遊戲室玩住先, 等程生佢地都OK, 上新屋望一望D裝潢, 就去AEON食晚餐, 都係去食板長, 等咗半個鐘有位, 柏仲上半場瞓咗我地都食得安樂, 係之後比咗少少飯佢食啦又要玩! 老公一揍三去睇玩具, 我地埋埋單就上去睇多陣閃人, 去超市買咗餅仔比柏仲, 因為佢D手指餅食哂啦! 琴日睇到佢開始出到下排牙啦, 吽咗勁耐! 買完極速閃人又偷運埋我地返屋企先, 返到去都9點囉! 快手沖涼後柏仲頂唔順要瞓快手餵埋奶, 到笨元敷敷吓mask就瞓咗, 咪一齊抬佢上床囉, 跟住到我都敷吓mask啦! 10點幾老公話攰, 所以今晚唔夠11點就瞓哂!

<整裝待發游水水!>

 <四個小朋友合個照先!>

 <一日活動後敷個mask先keep到靚仔架嘛!>

23/8/14

23/8/14   SAT   VERY HOT*

今日係小一新生適應日, 等嫲嫲過到嚟睇住柏仲, 我地就出門口去食咗早餐先再等小巴過荔天, 過到去剛好9:10, 子元排隊上課室, 我地就上禮堂, 由於要跟班坐所以冇得同程生佢地坐了! 校長講嘢時真係好冇心機聽, 講嚟講去都係唯堆嘢, 所以都係線上相認吓, 到講其他關事D嘢時先留心番D! 不過都係入到課室後講嗰D先係重點, 班主任麥老師係女GE, 教英文, 佢都算講得好快好清楚架啦, 但大家始終都有嘢問, 我地都有少少問題問咁啦, 基本上就係好趕咁去完成哂D嘢, 另外又係咁抄嘢囉, 總之就係好忙呀! 講完啦就落去有蓋操場接番子元, 由於試坐校車所以等埋敏瑩先上校車, 去到阿媽樓下嗰到就散水啦, 子元要去球場選拔, 我去等佢換好衫就攞埋D嘢走, 仲要返美孚入一入貨, 嫲嫲話冇洗頭水, 米同洗衣粉, 我又要捧番去! 返到去佢都閃了, 我就求奇整D嘢食, 又餵柏仲食吓粥, 一齊睇吓電視咁啦, 之後就等阿媽同阿婆過嚟睇柏仲, 不過柏仲真係開始怕生, 係咁要痴我又係到喊, 真係估佢唔到! 不久老公同子元都返嚟啦, 玩多陣柏仲要瞓啦, 咁阿媽佢地都走, 我就只係睇住笨元囉, 佢有佢玩玩具我有我睇回條, 5點幾柏仲醒咗就食奶, 然後叫老公起身睇住佢地, 到我瞓啦, 真係好攰! 晚上叫pizza hut咋, 跟住都係hea吓睇吓電視咁啦, 由於我同老公都瞓咗午睡, 所以到點幾先瞓!

<我的小學雞!>

 <小學雞小一新生適應日!>

22/8/14

22/8/14   FRI   HOT

今日頻頻撲撲咁, 真係好攰吓! 朝早等嫲嫲過嚟就出門口返工啦, 11點多就仆過去荔天攞校服, 一放晏就仆返屋企攞衫返去洗, 快食個飯又仆返番公司, 已經有少少虛脫! 下午叫做好D, 過一過冷河休息吓先, 放工就番時間返去揍佢兩個放合唱團, 升咗班以後起都係返530放630, 我負責揍哂兩個放學, 返到去佢兩個第一時間玩, 嫲嫲見我返都閃啦, 結果我就一揍三喺屋企, 好在老公都唔係太晏返, 因為唔想再出番去食飯, 所以決定叫外賣算數, 咁可以沖埋涼先, 等程太嚟到一陣外賣又到, 食完飯再比佢玩咗陣就要走啦, 都9點囉, 明天仲要小一新生適應日呢!

<試了校服有點大!>

 <但應該好快就FIT身架啦!>

 <做細就係仲可以顛玩!>

21/8/14

21/8/14   THU   HOT

今日要去開會, 所以要朝早做好D嘢, 照樣一早比柏仲嘈醒, 梳洗餵奶時嫲嫲嚟到, 返工買早餐啦, 返到去都係做好自己嘢先, 跟住吹水啦, 吹到夠鐘就食飯啦, 飯後就過商會開會, 啱啱去到時Nicho問我澳門之旅點, 我仲答佢冇消息, 轉個頭Amanda就打嚟話有啦, 仲即刻出埋房紙, 但我就要月頭先比到錢囉, 但點都好啦, 都叫做安排咗, 雖然過咗嗰份熱情, 但都想去GE! 開完會搞掂D嘢就閃了, 勁早囉3點幾啫! 返到去同柏仲玩咗陣餵餐奶K.O.佢瞓陣就同笨元做功課, 差不多做完柏仲就醒啦, 又要陪佢玩, 不過見時間咁上吓就沖埋涼先, 等老公回來就食飯啦, 隻豬仲見daddy返嚟竟然爸爸爸咁叫喎, 又係叫爸爸先! 開飯啦, 唔知係咪5點幾支奶食得6安, 今餐飯3湯匙飯食哂, 之後又掛住同daddy玩爬梳化攞星星餅! 玩到9點多就食奶瞓覺啦, 9點半K.O.埋笨元就自由啦, 打機睇電視到12點幾先瞓!

<曵到佢呢!>

 <入學申請影相中!>