28/8/16

28/8/16   SUN   HOT

今朝畫班我地自己去學, 揍咗子元就去食早餐, 然後買吓嘢咁啦, 又夠鐘去接番子元, 然後去中港城買船飛, 我說服咗陸生買咗飛先, 咁放低我買飛, 佢去泊車, 再喺反斗城會合啦, 最終折哂船飛1000左右, 都好合理架啦! 過到去反斗城, 又係要一對一陪玩囉, 最終又買咗嘢, 老公想買嗰個射擊, 咁可以練手眼協調就由得佢啦! 睇完玩具就過citysuper買晚餐, 又豪食囉! 返到去都係沖涼食晚餐啦, 不過子元唔知係咪食咗D生蠔有事, 晚上嘔又冇出嚟嘔, 高空投擲落地, 我地又抺餐死! 真係比佢激死, 明天點去澳門呢! 比咗雙飛人佢食咗, 又瞓得番, 應該冇事GE!

 

 

 

27/8/16

27/8/16   SAT   HOT RAIN

今日係長週, 老公車我返工啦, 都係吹吓水做吓自己嘢, 放工等老公嚟接我就去KFC食吓雞, 本來諗住去Element有商場行又有遊樂場, 但嗰到真係冇咩好行, 記得東九龍嗰邊有D公園都好玩, 但沿途都落雨, 最終轉咗去Mega Box囉, 都有遊樂場啫! 去到先去反斗城啦, 已經玩咗一輪, 跟住子元又話要玩嗰D Lego遊戲, 於是都要分頭行事, 一對一陪佢地玩, 玩夠終於到我地行吓啦, 都係行IKEA啫, 不過見都就嚟6點, 就食咗晚飯先啦, 攞得位買得嘢都差不多! 食完就行啦, 都係睇吓有冇新嘢啫! 老公最終就買咗條圓形隧道比佢地玩, 夾到單免到兩個鐘泊車, 快閃! 返去沖好涼咪比佢玩陣條隧道先瞓囉!

 

 

 

26/8/16

26/8/16   FRI   HOT

今日等老公揍咗嫲嫲出嚟我就返工啦, 買埋早餐返去食, 食完做吓自己嘢啦, 冇咩特別, 又唔洗開會, 幾好呀! 午飯老細竟然返咗嚟, 我好冇義氣咁冇過去食, 買完飯就返自己位食, 邊睇番J2套劇啦! 下午都要做吓自己嘢, 老細下星期閃返澳洲啦, 頂埋佢今日啦! 臨尾都要比佢搞到OT, 6點到先走! 好在今日唔洗買餸, 不過去咗惠康買豬肉, 今晚老公整咖哩, 夠鐘趕去小童接番幾隻嘢去游水, 老公就直接返去煮嘢先, 我揍咗佢地入泳池就返去幫手, 沖埋涼添! 老公煮起佢就去踢波啦, 咁我就執好嘢開飯啦! 今日除咗我地3家, 晴晴家都上嚟睇吓傢俬, 不過我地仲開緊飯, 未得閒招呼佢! 其實有時唔知係咪個心對嗰個人有咗芥蒂, 佢做咩你都會覺得介意! 其實佢個囡咁多投訴, 咪就係個阿媽都係咁多投訴囉! 有時我都唔係話幫自己仔, 而係細路之間點相處咪由得佢地自己解決囉, 佢從來唔諗係自己囡問題, 而係人地蝦佢個囡, 點解人地唔就佢個囡, 唉…我都唔知之後點再相處! 10點幾閃咗, 子元要我同佢捉盤棋, 捉完就趕佢去瞓, 一瞓就唔知點解咳, 聞咗氣都咳, 好在佢想嘔時識衝去廁所啫! 等老公回來都差不多12點, hea到點幾先瞓, 近來可能7點幾8點先起身, 夜晚唔眼瞓呢!

25/8/16

25/8/16   THU   HOT

今日直接過商會做嘢, 所以唔洗咁早起身, 老公打返嚟話到樓下, 但我又喺廁所聽唔到電話, 仲仲竟然識得接電話仲講得頭頭是道! 咁我話我都係啱啱起身叫老公返上樓先, 等我地搞掂先一齊出去食早餐, 然後我就直接過商會, 佢就帶兩個細去剪頭髮! 過得去商會都10點幾, 但其實都真係幾多嘢做, 12點出去食完飯回來再做, 今日人少開會, 其實都冇咩所謂, 但老細又做D麻煩PK嘢, 又話要加咩常務會長, 但問佢加喺咩level又答唔到, 又唔想驚動要改會章, 但又怕比人Challenge, 問咗我地嗰間會計師樓係唔負責架啦, 細間嘛! 但長毛又話好易, 佢以前成日做喎, Nicho即刻同我打眼色, 意思都係話: 佢話好易嘛咪比佢做飽佢囉! 咁事實都係呀, 呢D吃力不討好GE嘢我真係唔會爭! 等佢地走哂我地走得都4點多, 去咗石硤尾同老公會合, 佢揍咗笨元去踢波嘛, 咁一齊去食TEA, 然後返球場等, 我就梗係喺車等啦! 接咗子元就去接埋嫲嫲然後去長沙灣食飯, 因為幫嫲嫲買埋支手扙, 去咗AEON食, 買埋明天晚飯D料就回家啦! 快手沖好涼打暈佢地, 我都要沖埋涼睇電視呢! 今晚唔眼瞓, 到瞓得著時仲爺又搞事, 可能發完惡夢啦, 又走出廳又走上我地床, 真係比佢玩死, 頭兩三個鐘我都瞓唔到, 之後亦都瞓得唔好呢!

 

 

24/8/16

24/8/16   WED   HOT

今日如常咁啦, 但因為老公一早要出門口上順德, 所以我要等嫲嫲過嚟我再返工啦, 返到去都係做自己嘢啦, 午飯後睇電視囉, 下午完成埋商會條數, 明天攞過去! 老公今晚點都返唔切香港, 咁我就把心一橫明天返公司, 直接過商會啦, 咁就唔洗太急! 放工約咗嫲嫲出曼克頓山食元氣, 食完就慢慢行返屋企, 時間尚早比佢地沖涼玩吓水先, 我就執一執間屋先, 沖完玩陣仲仲就食奶瞓覺, 我先可以安心咁沖涼睇電視!

23/8/16

23/8/16   TUE   HOT+

今朝老公揍咗仲仲入青衣, 咁我就睇住子元啦, 叫子元換床單, 仲有自己煮丁麵啦, 不過都係要睇住佢, D步驟成日都記錯! 佢食麵時我就換埋我張床單, 9點多揍子元出去子慧到, 咁我就返工啦! 返去都係做吓公事冇咩特別, 午飯後去曬吓相咁, 下午做埋商會D數啦, 時間都好快過! 放工去接子元放足球, 快手返去買餸, 今晚煮意粉咋, 老公去踢波, 得我同兩個仔食簡單D算, 煮飯期間兩個梗係又搞搞震, 成日入嚟投訴, 仲爺真係好煩! 食完飯洗碗抺地, 比佢玩一陣就食奶瞓啦, 我都要沖好涼睇電視摺衫! 等老公回來hea到12點幾1點才瞓!

22/8/16

22/8/16   MON   HOT

今朝仲仲7點醒咗喺到扭, 跟住上咗嚟同我地瞓, 真係瞓著咗喎, 到我地起哂身佢都未起, 有冇咁可愛呀! 嫲嫲9點先嚟到, 因為美孚口又撞車, 美心嗰到又火燭, 簡直係全塞! 咁我地鐵都唔影響GE! 返到去都係寫吓日記做吓自己嘢, 午飯買完飯上嚟食睇電視咁啦, 下午都係做吓自己嘢, 又做吓公事啦! 放工慢慢行返去屋企, 唔洗煮飯但執吓屋咁囉, 子元合作地做哂嘢架啦, 咁我地咪等食飯囉, 食完嫲嫲洗碗我就執埋D手尾抺地等等, 老公送嫲嫲返屋企, 我抺好地就hea吓先, 因為仲仲7點先起身, 又冇理由8點半捉佢瞓! 等老公回來佢地就沖涼, K.O.仲仲後我就可以沖涼啦, 之後都係睇電視打機!