31/3/22

 31/3/22     THU     VERY COLD SNOW

今朝都係如常咁出門口揍仲仲返學啦, 踩車踩咗一個街口時, 見個天有啲白色嘢飄落嚟, 初頭以為係花瓣, 點知愈來愈多, 再睇真啲係雪呀, 真係雪呀! 但我地踩緊車唔停得, 去到橋時反正都要落地推車, 就順手同仲仲拍片, 因為唔係真係好大雪所以要拍片先睇得清, 同埋係我人生第一次見雪, 嗰種興奮真係非筆墨能形容, 仲爺都係啦, 我同我小情人賞了人生第一場雪呢, 好浪漫呀! 這場雪只係落咗10分鐘, 我都未返到學校就停啦! 返埋今日就放假, 加上今日負責個學生冇返, 我又輕鬆好多啦, 跟住佢個time table上堂幫吓手就得, 準時收工去接仲仲, 又唔洗揍德仔啦因為佢仲未病好, 所以比仲爺喺公園玩到4點多先走, 揍咗佢返去我仲出去買埋餸先, 老公都放工埋嚟! 5點幾時又突然再落雪, 大過今朝好多, 仲爺又出去玩咗陣! 跟住都係用吓電腦, 老公煮飯咁啦! 子元明明應該溫書又瞓鬼咗, 叫醒佢時佢竟然抽筋, 抽到好似變zombi咁, 叫咗佢平時要拉筋架啦又唔聽! 

30/3/22

 30/3/20     WED     COLD

今朝都有啲趕, 每朝都總係趕, 不過頂埋呢兩日又放假啦yeah! 今日我跟Bella, 第一堂又去炒散啦, 自己搵嘢做吓咁啦, 因為都係代課上堂, 基本失控, 音樂堂都可以失控, 其實都幾痴線! Bella今日都準時返到, 咁照去上英文堂啦, 都冇咩, 但臨尾佢又要出咗去草地轉圈, 我都估到今日應該有啲嘢, 果然係! 到上法文時佢突然之間喊, 好在有個抒壓玩具, 佢喊咗大半個鐘, 到個cover lunch嚟到後冇事, 佢今日心情都係一般架啦! 因為最尾上History佢又呆咗, 好在佢朋友喺到, 老公又安排佢可以喺門口位坐, 過咗一陣都冇嘢, 咁我就安心收工去接仔放學, 玩咗陣公園回家又要準備出去學音樂, 我又要去買餸等等, 好在回來老公自動自覺煮飯, 加上德仔又發燒唔洗揍佢, 咁我可以摺埋啲衫, 足足四機咁多, 摺到開飯都未摺完! 搞掂洗完碗沖埋涼又要搞屋嗰啲文件等等, 其實都好攰架啦, 心靈上嗰隻攰!

29/3/22

 29/3/22     TUE     COLD

今朝開機睇唔到更表, 唯有whats apps同事求救, 咁返到去唔洗咁趕啦嘛! 揍咗仲仲返去快手閃啦, 本來要跟Aliya, 但因為佢冇返, 而本來跟Aisha的sir病咗, 咁就啱啱好就到啦, 不過揍佢都少嘢, 有時都係唔聽人講, 不過今日相對算輕鬆, 安全地上哂堂可以放工, 去到公園接仲仲, 比佢玩吓啦, 返到去我又趕住upload文件, 又要快煮啲嘢食咗先出門口去睇波, 今日去Wembley睇波呀, 係睇英格蘭喎, 場面同睇英超又唔同, 約咗炮哥喺泊車地點等, 一齊再行過去球場, 影吓相買吓嘢咁, 7點幾入到場, 我地坐龍門後, 上半場冇咩嘢睇, 下半場英格蘭又已經入咗兩球, 變咗冇咩強攻睇, 啲人就開始玩放飛機, 好好笑! 最尾完場前有球角球入咗, 咁都比我拍到, 勁呀! 散場要行返去攞車, 又塞一輪先返到屋企, 快手沖涼食啲嘢瞓覺啦!

28/3/22

 28/3/22     MON     COOL

又到星期一要返工啦, 今朝老公竟然因為遲咗起身趕唔切就射波, 咁就車哂我地返工返學啦! 所以我就好輕鬆咁返到工, 今日仲要好輕鬆咁跟Samia, 更加係冇咩做! 今日地產係咁打嚟, 上上吓堂都成日出咗去聽電話, 好在今日啲堂都唔太影響! 放工即閃再去接埋仲仲放學回家, 佢地今日要踢波, 咁老公整好哂今晚啲餸先出去呢, 我就揍咗德德回來, 條友仔食飯愈來愈唔合作! 打咗陣機煮飯整吓電腦嘢, 又同子元一齊砌咗個時間表要佢跟住嚟溫習, 再唔逼迫吓佢唔德啦! 

27/3/22

 27/3/22     SUN     COOL

今日開始轉夏令啦, 所以今朝好似9點幾先起身, 但其實只係8點幾啫, 起身之後又要轉番哂啲鐘! 梳洗完就煮早餐, 今日子元唔洗踢波, 咁同阿媽傾完電話就去咗榮業買嘢, 主要買丁麵啦, 再樣樣買啲咁, 跟住去Broadway食午餐, 再買子元的鞋墊, 遮, 仲仲要買咳藥水, 買完都回家架啦, 仲要返去做家務, 老公就返去研究整魚肉, 雖然唔係太成功, 但都要試吓玩吓! 我就吸塵抺地摺衫! 仲仲太陽落山之後就開始咳, 好在買咗隻夜咳藥水, 都要試吓, 次次游完水返去就係咁, 好在已經上哂游水堂! 

26/3/22

 26/3/22     SAT.     WARM

今日兩個都要去踢波，我地又約咗睇樓，就請炮哥幫手接仔，但最終都趕得切去揍，不過煮要齊食午飯啦，勤少跟住又要去生日會！睇樓都係價啱又唔夠大，夠大價又高咁囉！食完晏揍咗佢地返來，老公再整埋個鴨腿湯飯先，再出門口去睇第二間，價錢啱但細囉，不過老公話有得執，又有發展空間！睇完就約事頭去Costco，點知Wembley 嗰頭有波睇，啲路改哂又塞車！去到行到差不多5點先回程，車埋事頭返去，再去菜檔買埋菜先回家，又要包哂啲肉等等，老公就整晚餐，忙忙碌碌又一日！

25/3/22

 25/3/22     FRI     WARM

終於又到星期五啦, 返埋又放假! 今日仲要係輕鬆, 真係happy Friday! 返到去都係照上堂啦, 數學堂有得幫冇返個同學份卷寫吓答案, 時間易過啲, 放break後上Science, 好在我可以放lunch啫, 唔係有排悶, 加上下半堂佢地去電腦室, Samia又有特權可以返AL1, 咁大家都有得hea吓幾好! 到最後一堂時就有笑話啦, 因為老師冇返, 有個代課嚟, 搞完一輪點名播片啦, 咁我都做完自己嘢覆完msg, 有時間處理吓佢地啲秩序, 咁梗係會喺個課室行嚟行去架啦, 個阿sir問我做咩可以行嚟行去, 好明顯佢以為我係學生, 跟住啲同學就齊齊答佢:"Because she is Miss", 阿sir應該好尷尬, 我覺得呢個絕對可以寫成笑話! 放得學即閃返去揍仲, 由於兩位大朋友都唔去打籃球, 又頭痛又腳痛咁, 所以仲爺都冇得去啦! 返嚟休息吓啦, 我就又要去寄信啦買餸啦等等, 回來又要整餸, 都冇停過, 等德仔閃咗又要摺衫, 然後食飯洗碗咁, 都好係忙呀!