25/3/22

 25/3/22     FRI     WARM

終於又到星期五啦, 返埋又放假! 今日仲要係輕鬆, 真係happy Friday! 返到去都係照上堂啦, 數學堂有得幫冇返個同學份卷寫吓答案, 時間易過啲, 放break後上Science, 好在我可以放lunch啫, 唔係有排悶, 加上下半堂佢地去電腦室, Samia又有特權可以返AL1, 咁大家都有得hea吓幾好! 到最後一堂時就有笑話啦, 因為老師冇返, 有個代課嚟, 搞完一輪點名播片啦, 咁我都做完自己嘢覆完msg, 有時間處理吓佢地啲秩序, 咁梗係會喺個課室行嚟行去架啦, 個阿sir問我做咩可以行嚟行去, 好明顯佢以為我係學生, 跟住啲同學就齊齊答佢:"Because she is Miss", 阿sir應該好尷尬, 我覺得呢個絕對可以寫成笑話! 放得學即閃返去揍仲, 由於兩位大朋友都唔去打籃球, 又頭痛又腳痛咁, 所以仲爺都冇得去啦! 返嚟休息吓啦, 我就又要去寄信啦買餸啦等等, 回來又要整餸, 都冇停過, 等德仔閃咗又要摺衫, 然後食飯洗碗咁, 都好係忙呀!