22/3/22

 22/3/22     TUE     WARM

今日學生唔洗返學, 但要上網課, 所以其實我都唔知我返去做咩, 所謂Training亦唔覺有咩train, 算啦返去坐吓有錢收就算啦! 揍咗仲仲返學, 我都有啲趕, 因為遲咗少少出門口, 仲爺又踩得慢, 真係好難搞! 返到去就係直去大房, 佢地已經圍埋, 所以我應該已經聽少咗半個鐘, 都係好事, 反正聽咗都唔知做咩, 最終都係開咗個電腦, check完email已經唔知做咩好, 但又要扮工都夠辛苦! 午飯今日只有沙律同三文治, 好過冇啦, 佢地又要出去曬住太陽食, 食完返去又聽上司吹水, 其實佢地呢堆對話, 我聽到7-8成架咋, 後來都開始想瞓! 終於捱到放工, 快閃去接仲仲, 返去又要趕出門口打籃球啦, 然後我又要買餸返嚟整定嘢再出去接德德, 今日條友仔都係唔多舒服, 成日要我抱, 好在都仲肯食飯! 等佢走咗我抖咗3個字又要煮飯, 真係日日都咁充實!