12/3/22

 12/3/22     SAT     COLD

今日都係如常咁揍佢地兩個去跟波啦, 食完早餐差不多就出門口, 今日戴埋cap帽冇咁曬! 仲爺踢到11:45都未放, 子元又早放喎, 咁就唯有提早走啦! 買埋飯團先回家, 可以大家食啲嘢先, 我同老公再去shopping都唔怕, 其實都係買食物啫, 諗住整生炸雞肶同西多士! 返到嚟老公用廁所竟然塞咗, 最終要再出去買強力通渠水K.O.佢! 終於有得食炸肶同西多, 差杯紅豆冰! 星期六其中一個節目就係睇波啦, 而家啲日子幾咁英國! 邊睇邊打機, 7點幾老公先去煮晚餐, 簡單食海鮮通粉, 煎吓餃子咁! 明天子元去遠少少踢波, 就一齊出去行吓啦!