21/3/22

 21/3/22     MON     COOL

又要返工啦, 今日都算係輕鬆, 不過同樣地都係好悶啦, 記住悶但有錢收係幸運, 所以唔好咁多聲氣! 悶到我都唔知有咩好寫, 悶到我攞耳機出來偷聽收音機先掂! 午餐一見到今日係飯, 已經第一時間食沙律同意粉就算! 終於捱到放學啦, 快手去接仲仲, 好在佢都唔係最尾嗰個, 返到屋企都未有機會休息, 啲地產鋪就打嚟, 搞到我都冇咩時間休息又要出去接德仔, 今日仲要冇隔夜飯, 又要諗煮咩比佢食, 5點幾老公返到嚟又接咗佢地出去踢波啦, 得我一個又要煮又要睇住德仔咁好狼狽! 等佢揍走咗我又要開始摺衫同煮晚飯, 搞到7點幾抖咗唔夠15分鐘佢地又返, 又要忙忙碌碌啦!