7/3/22

 7/3/22     MON     COLD

今日又要返工啦, 朝早仲爺唔肯起身有啲趕, 佢仲要朝早先嚟甩牙, 我真係救佢唔到呀, 好在最終佢自己拔咗, 叻仔! 快手出門口返工返學啦, 今日安排我本身跟個year 12, 但係佢今日冇返, 我就去咗佢嗰班就算, hea到不得了, 期間做咗一個lunch cover, 又係自閉嗰個, 佢今日又係好差, 躲咗喺枱底又用頭撞枱, 用針刺自己, 唉...所以等佢負責人回來就去通知阿頭, 又要記錄番佢啲情況, 最終好似都要Call SLT幫手! 我就12點半過番去課室吽, 提早咗1:15就放飯, 咁我就有足足1個鐘食飯時間, 實在太好啦, 咪係咁睇機囉! 最後嗰堂英文, 個同學仔係都要我教佢, 查實我都唔好得佢幾多囉, 終於捱到放學, 快閃返去接仲爺, 但佢又要玩啦, 查實咁樣我冇咩時間休息, 其實係好辛苦架! 返去準備吓又要揍德仔又要買餸等! 今日子元去試腳, 老公回來車佢過去, 咁得番我同仲爺揍德啦! 等佢走咗我仲要煮飯, 沖完涼又要處理吓公務咁, 都冇咩自己時間又半夜啦!