2/10/19

2/10/19.   WED.    WARM

今朝老公返早，我要揍兩個返學，子元又係趕頭趕命啦，所以去到荔枝角站我就叫佢自己行先，我買早餐比仲仲慢慢行住食！揍咗佢返去我就返工啦，今日要自己買包返公司食啦，朝早都係自己做吓嘢，做埋個專題先，下星期一要交初稿！午飯後快食完出咗去書局睇吓有冇專題想要嗰本書，都係冇！下午返去努力工作，有好多嘢要做呢！放工馬上返屋企，邊同仲仲做功課邊煮飯，等老公回來都9點多，快手煮飯回家等佢地返嚟食，飯後做埋家務，睇埋功課可以瞓覺！