9/10/19

9/10/19.    WED.    WARM

今日都係老公車我地返工返學啦，食埋早餐就開工啦，不過都係吹水多過做嘢，冇法啦，唔算趕個人就放鬆架啦，跟住就係等開飯啦，今日有尖椒皮蛋加餸，食完咪做專題囉，做到食完飯都照做，阿姐好忙咁都唔得閒理我地！今日又係放5點，約咗阿媽喺長沙灣站等，交收仲爺，因為笨元自己過咗去練波，但我又唔放心佢一個返，所以都係揍住仲仲過去接佢，順手同仲爺喺球場做功課，冇辦法啦佢做得咁慢，唔咁搞點掂！走嗰時有車車我地返到美孚，兩隻豬話要食麥記，咁都好嘅快靚正，回家後沖涼做埋啲功課，同仲爺再溫默書，救得幾多得幾多啦！10點幾放生我可以自由了！