8/10/19

8/10/19.   TUE.    WARM

今日返工都塞咗半個鐘車，地鐵死咗1/3嘛遇咗架啦，東九龍先係重災區，我仲趕得切同老公食埋早餐算唔錯！返到去都係做嘢啦，時間都算過得快，午飯後係咁做功課，好過打機浪費時間嘅！做吓嘢又做吓功課咁，4點幾阿姐突然話5點走得， 梗係好事啦，有得早走喎，但諗番走早的原因其實又唔係咩好事，真係好矛盾！唔理得咁多啦，去到巴士站迫到上車就迫，快啲返到去阿媽就可以返屋企，都係又教功課又要煮飯咁啦，最慘係仲爺做功課係遊雲咁，但冇可能企喺佢隔離望住佢做架嘛，真係好難搞！終於食得飯，洗碗抺地沖涼再溫吓默書，又要同笨元睇功課，好在10點半起得切睇911！