2/11/21

 2/11/21     TUE     VERY COLD

今朝一睇天氣, 竟然得番3度, 真係要著夠衫先好出門口, 揍仲爺返學係要行過去呢, 一出到門口就口都出煙, 仲爺玩得好開心呢! 揍完佢返學我去買埋餸先回家, 凍凍地食花膠雞湯就最啱, 買好嘢回家就邊睇機邊整好晚飯啲材料, 預備埋午餐個粥, 又係時候找工, 努力加油! 12點幾又係時候食午餐睇電視, 接仔放學咁, 回來又忙忙亂亂, 要預備晚飯, 又要準備仲爺出去打籃球, 老公叫我跟埋炮哥車過去, 怕今日太凍仲爺唔抺汗唔著會凍親, 咁咪跟埋去囉, 佢自己就去咗剪頭髮! 吹吓水咁同炮哥, 又兩個鐘啦! 回家仲未有飯食呢, 老公都唔識遇時間!