23/11/21 TUE COLD
今朝諗住去附近個job center睇吓係咪有得找工, 點知嗰到係社署唔係勞工署, 所以只係幫找唔到工的人申請福利, 唔會幫人搵工, 得個吉! 咁就去龍鳳買嘢啦, 我地都成個月冇去過中超啦, 入完貨老公又去幫炮哥整屋, 我就返去收拾好買回來的, 再煮午餐食, 不過都係食廚餘咋! 食完邊睇電視邊send 吓CV, 跟住又做吓清潔咁, 因為廁所都幾dirty, 佢地三個真係可以唔理照用嗰吓好嘢, 我諗我死鬼咗真係會冇人做家務囉! 夠鐘又要揍仲仲, 回來比啲嘢佢地食吓, 老公又打嚟叫我買賓福特對車仔的波飛, 買親飛我就好緊張架啦, 最終只係買到兩張飛, 要明天再睇吓買唔買到! 等佢出咗去打波我就煮飯, 要煲湯仲要係三文魚頭湯都要啲時間! 等佢地返到嚟啱啱好食得, 食完洗碗沖涼休息, 咁又一日!
沒有留言:
張貼留言