4/6/14

4/6/14   WED   VERY HOT

今日下午請假, 柏仲打針嘛! 朝早老公要過海做嘢, 於是我要揍埋柏仲入青衣, 咁鬼熱真係幾辛苦! 揍得佢去到茶水站就已經就嚟九點, 快快返工買早餐, 仲要幫老公問吓周轉D嘢, 話咁快就借到錢, 銀行真係咁水浸! 1點就閃人, 去咗AEON間板長食壽司, 為咗攞埋個會員, 食完撘地鐵去到青衣城仲買埋笨元星期五學校活動要著的背心, 又要趕上去健康院了, 例遲啦, 分頭行事老公去揍豬仲落嚟, 我去登記先, 磅重有8.2KG, 跟住等發現監察, 原來要睇埋佢識唔識拿住姑娘手上搖緊的搖鈴, 還要自己坐得穩, 腳仔要夠力支撐企到當大人扶住腋下, 柏仲全部過關冇問題, 1歲先再返嚟做發展監察, 不過姑娘話一定要開始試食固體啦! 跟住又係去打針的環節, 今日要打3針, 一條腿1針, 一條腿2針, 真係夠哂痛! 雖然唔算喊好耐, 但去約期時都仲有D諗番就痛的感覺要喊吓! 搞掂哂都係4點多D, 食咗個麥當當, 嫲嫲就揍佢返去食奶, 我地就去揍笨元放學, 老師見我地咁齊人又講吓笨元今日衰咩啦, 佢又搶tiger手上的書嚟玩, 結果爛咗, 叫佢講就蚊芝咁細聲講極都講唔到, 麻鬼煩! 返上嫲嫲到hea 陣先出門口, 去愉景新城食晚餐, 笨元又可以睇吓玩具咁啦, 食嘢時柏仲都算係咁, daddy打暈咗佢可以安心咁食, 食飽佢就醒啦喎! 去反斗城買咗D米糊比柏仲試吓, 等嫲嫲唔洗成日煮咗佢又食得少! 回家後全部沖個靚涼, 搞掂哂就可以玩吓, 柏仲而家好鍾意同人吹水, 一齊大叫! 差不多10點, 瞓覺的瞓覺, 食奶的食奶, 我地11點多都瞓啦!

<等打針...幾定當!>

 <比人玩?>

 <做咩影叮噹?>

 <原來子元喺入面!>

 <司機笨元!>

 

3/6/14

3/6/14   TUE   VERY HOT

今日又趕唔切巴士返學啦, 再等下一班差不多8:40先返到去, 大家都心情唔好啦, 又熱又辛苦! 遲咗揍到佢返學校我又遲咗先返到公司啦, 好在都冇咩忙, 都係寫番自己D日記呀, 整理吓幾日假期D相, 咁就忙咗一個上午! 午飯後老細返咗嚟係到講埋哂D好乞人憎GE說話, 真係好想鬧爆佢, 完全冇眼睇佢, 只可以話佢有精神病就唔該keep住去覆診! 好在佢有會開冇煩住我地, 咁就算啦! 放工返去又要捉笨元做埋D功課啦, 佢而家掛住睇I pad睇到心都散埋, 態度其差, 又惹火我! 食完飯陪柏仲玩吓又要走人啦, 落巴士前先嚟打瞌睡, 喺lift入面直情突然跌咗喺地下, 又係令人火架, 攰就放學返去休息吓唔係只掛住睇機, 我都要諗吓有咩方法治到佢! 沖完涼溫埋書執好嘢比佢玩陣就瞓, 柏仲都要沖個涼, 食埋藥, 練吓坐又係時候食奶瞓覺! 我地可以11點幾就瞓啦, 唔洗等夠鐘餵奶!

2/6/14

2/6/14   MON   VERY HOT

今日節目豐富, 朝早八點幾起身餵奶後就叫醒埋嗰兩個出去麥當當食早餐, 回家後收拾行裝準備下午去沙灘! 11點幾要出門口入青衣, 約咗阿媽, 阿嫲同奶奶一齊飲茶慶端午嘛, 咁啱giv仔佢地喺隔離枱喎, 真係約都冇咁啱, 可惜柏仲瞓咗佢冇得玩, 我就去咗玩丁丁! 佢地一走柏仲就醒咗, 試比佢坐bb櫈唔肯囉, 唯有等佢再大D坐得穩D先再試! 飲完茶就返屋企執埋下半場行裝出發去黃金海岸, 不過人太多又泊唔到車, 唯有轉去咖啡灣, 都要等咗陣先有車位, 搞掂哂已3點幾, 找到個唔錯的地點落腳, setup我們的架部, 都真係幾誇, 又蓆又波波池又餐枱倚咁! 同柏仲換埋游水片就下水禮啦, 由於都幾大浪吓, 所以一落到水佢都幾驚有D喊, 但係可以接受的程度! 玩咗陣就上水交番比daddy, 我又要揍住子元玩陣嘛, 呢個先係驚水! 陪佢浸完一輪都上番水玩沙啦, 換大包kai哥佢地落下水, 我地看嘢! 勁玩自拍啦, 柏仲個豬樣真係超可愛! 玩到5點多就開始執嘢沖身收拾得, 剛好兩個鐘攞番架車閃人, 又去深井買嘢嘢加餸, 柏仲喺車叉叉電, 返去就飲奶啦, 然後不甘寂寞唔肯喺床仔, 搞到人地食餐飯都唔安, 之後仲要嘔咗幾次奶, 都好嘔咗D痰出嚟, 順手沖埋涼囉, 但沖完都仲有得嘔, 搞到我都要換埋衫! 食完飯切吓蛋糕啦, 柏仲6個月大啦, 話咁快! 食埋蛋糕同甜品就回家啦, 返去大把嘢要洗, 仲要大家都好攰, 先餵咗柏仲食藥, 跟住笨元沖好涼敷緊mask時瞓咗, 要抬佢入房, 我地搞掂D細等餵奶時都係敷住mask瞓咗, 1點先知醒餵埋柏仲再瞓!

<沙灘之旅開始!>

 < 一隻豬仲!>

 <熱到面容扭曲!>

 <見到你就肉緊啦!>

 <你都唔洗流哂口水架!>

 <柏仲又比我捉住, 好不滿!>

 <比姑姐引咗一輪, 笑番!>

 <放喺波波池抖抖先!>

 <柏仲不算太怕水啦!>

 <係有少少怕啫!>

 <呆咗...定太曬?!>

 <慶祝6個月大!>

 <冇得食都唔洗咁GE樣架!>

1/6/14

1/6/14   SUN   VERY HOT*

今日真係熱到唔想出街, 朝早瞓到八點幾啦, 頂唔住柏仲搞搞震要起身, 食奶又食得衰衰咁, 老公病病地要我煮早餐, 煮又係我洗又係我, 做死我! 跟住佢叫做做番D嘢, 買過個花灑水龍頭去整, 搞咗一輪終於完成, 又有人嚟整番個wifi, 總之就好忙碌, 阿媽又打嚟話佢好似冇關燈同風扇想我去幫佢睇, 我咪話囉燈同風扇唔會爆炸唔怕啦, 最終都冇去睇, 我地又唔諗住出街架啦, 冇法! 到咁上吓柏仲醒咗就食奶, 食完一輪都未肯瞓, 到3點幾先瞓, 我地就求奇煮咗D雲吞食, 都係休息吓, 老公同柏仲瞓咗, 我就要陪笨元, 大包約明天游龍舟水, 咁有人車埋去梗係冇所謂啦! 6點幾柏仲食埋奶就出門口, 去敏瑩新屋會所玩, 柏仲支奶食得3安就唔食, 係咪咁冇胃口呀! 幾個細路玩緊, 程生佢地上咗新屋, 我地兩個大人睇4個細路, 婷婷跑嚟跑去最終又跌到! 等佢地搞掂就去附近搵間茶餐廳食晚飯, 試定都差不多, 遲D都要轉場架啦, 希望敏瑩入到荔天啦, 咁佢地就可以做多6年同學! 食完仲去咗Aeon shopping吓, 再車埋我地返屋企, 超好! 回家後快手洗白白, 笨元瞓得覺都11點多啦, 我地就要餵埋奶先可以瞓!

<試食餅餅!>

 <好好味呀!>

 <子元幫手照顧柏仲!>

 <好動人的場面!>

 <笑得超可愛!>

 <一副無辜的樣子!>

 <大有大玩, 細有細玩!>