5/9/14

5/9/14   FRI   HOT

今日柏仲鬧鐘未響佢就醒, 真係頂佢唔順! 搞掂笨元帶埋柏仲落去送校車啦, 返到屋企就餵埋奶然後出門口入嫲嫲到, 又係等唔到42, 結果撘咗46X去葵芳再轉小巴, 入得去又係要8點9, 食埋早餐先返工, 朝早都係hea吓, 午飯因為個個同事都冇飯, 於是出咗去試間台灣嘢, 不過好似油咗D, 我食完都頂頂地! 下午本來都好hea, 不過總監返咗嚟就有嘢傾, 同埋都有嘢做囉! 放工馬上閃人, 因為原來今日係唔洗合唱團架, 我地4個大人都冇人記得, 結果阿媽就幫我揍住喺麥記等我, 比咗key佢揍兩隻嘢返去先, 我就買完餸返去沖涼後再煮飯, 佢都返番屋企, 咁兩個細路喺到玩又唔係好洗我理都OK! 今晚四餸呀, 差不多啦平時出去食, 都係叫四個餸! 都係煮咗1個鐘左右, 仲係慢慢嚟嗰隻, 又擺埋個靚碟, 因為今朝應承咗group D媽媽post相比佢地睇, 其實都好家常便飯啫! 食住等程生啦, 柏仲原來已經喺嫲嫲到食咗嘢, 同埋嫲嫲自首今日跌咗柏仲落地囉, 算啦, 呢D實會有架啦, 冇法! 之後都係吹吓水咁啦, 九點幾十點佢地閃咗之後就捉笨元沖涼瞓覺, 捉柏仲食埋奶就交換, 我K.O.笨元, 老公K.O.仲仲! 睇埋急診我已經勁攰, 瞓先! 到點幾聽到柏仲嘔, 馬上彈起身, 係咁叫老公幫手, 點知原來佢仲未入房瞓, 馬上出廳叫佢囉, 好在只係嘔咗少少啫, 換番張毛巾可以瞓番, 我都好快瞓番啦!

 

4/9/14

4/9/14   THU   HOT

今日我又要如常咁揍完笨元上校車, 再揍柏仲入青衣啦, 笨元嗰到好順利, 但等42等到人都顛, 我地7:55已落到巴士站, 最終等到差不多8:30先有車, 真係好火呀, 入到去咪食埋個早餐先走囉! 返到公司都係做吓自己嘢又吹吓水啦, 午飯前去入咗票, 攞埋相先再返去食飯, 然後都係打吓機咁等開工啦, 下午冇咩特別嘢趕就hea吓啦, 放工後就去接笨元, 佢今日都算合作做哂嘢, 所以婆婆比機佢打囉, 有湯飲埋先走啦, 回到家沖埋涼都7點3, 好在今日只係煮意粉, 所以都快搞掂, 老公7點9返到, 柏仲瞓咗, 但老公沖完涼後佢已經醒咗, 食埋晚餐都係8點幾, 要子元執嘢佢就係到賴皮, 真係惹到你火起, 我仲有好多嘢要跟呢, 加上佢始於未習慣執個咁複雜的書包, 所以控制得到時我都盡量唔爆佢! 叫做搞掂哂就放佢去玩啦, 但佢同老公玩足球機玩到好嘈又大叫, 嗰吓真係想丙佢! 捱到9點幾就沖奶比柏仲, 老公搞掂笨元先, 本來我都諗住我哄得掂柏仲, 但佢知daddy喺屋企就點都要找番佢, 所以搞到10點多柏仲都係唔肯瞓, 之後仲要daddy加鐘哄佢先掂! 10點幾先瞓冧, 我都超攰, 睇急診瞓到大半又瞓咗!

 

3/9/14

3/9/14   WED   HOT

今朝早因為約咗小一班媽媽去飲茶, 所以叫老公揍柏仲入去, 我就搞掂笨元上校車, 再餵柏仲食埋奶, 我就出門口啦, 過到荔天嗰邊8點多啦, 齊齊去酒樓我都唔客氣叫嘢食啦, 其實大家都係初見面, 又冇話特別好唔好傾GE, 吹到9點多我真係要閃了, 返到公司都係hea啦, 午飯後食吓生果食到好飽! 下午有好多人嚟見工, 但D高層其實真係唔多識控制時間, 你15分鐘見唔到一個人就唔好約人咁早, 等咗成粒鐘, 我都替D人慘! 4點幾才輪到我地開會, 又要傾余記D嘢, 好在5點半都走到啫, 要過去阿媽到揍番笨元再撘巴士返去, 馬上沖涼然後開始煮飯, 笨元都叫做執好哂D嘢先玩, 老公7點幾返到嚟, 沖埋涼就開飯啦, 但柏仲唔多願食, 都只可以由得佢! 洗埋碗就抱吓柏仲啦, 因為老公同笨元砌緊個足球機, 但都要砌好耐呢, 9:15柏仲叫食叫瞓啦, 餵奶時子元同daddy入咗房玩陣足球機啦, 以為柏仲食完奶就瞓啦, 點知條友係咁企起身, 所以叫老公K.O.佢, 我搞掂笨元! 仲要摺埋D衫, 執好哂嘢先有得抖, 今晚都真係好攰, 11點幾就即瞓!

<學校D相upload得好快, 睇到子元在學校活動!>

2/9/14

2/9/14   TUE   HOT**

今日都係六點幾就起身捉隻笨元起身返學啦, 不過今日柏仲未醒, 所以冇帶佢落樓, 返上去餵完佢就等嫲嫲嚟接更, 因為今日阿媽要覆診, 所以奶奶出嚟揍等我中午接咗笨元放學返去就食埋飯再返工, 不過都幾辛苦, 一放lunch就仆過去學校, 接咗就飛的返去, 快扒個飯又閃人啦! 好在今日冇咩公事做, 都OK hea吓啦, 食埋tea就放得工啦, 返到去不久老公就話已上穿巴, 咁又要收拾出門口, 因為今晚約咗休同CW食飯, 7點多去到曼克頓山食啦, 柏仲都算合作, 8成時間都肯坐定, 有麵同包餵比佢食就OK, 吹水吹到八點幾先閃, 回家後影埋蛋糕相啦, 因為柏仲今日9個月啦嘛! 沖好涼其實想佢地快D瞓, 但又有好多嘢未搞掂, 真係一出街食飯就亂哂架啦D時間! 結果笨元10點幾先瞓, 柏仲都係咁上吓, 我就10點幾先有得去沖涼, 好在今日唔眼瞓, 可能因為時間亂哂啦, 唔眼瞓到睇完隋唐都未想瞓呢!

<一早起身個笑樣最誘人!> 

 <仲識chok架!>

<重點都係要我抱啫!> 

<中午揍子元返去, 又可以見到豬仲!>

 <同契爺晚飯呢!>

 

 <嚟番張9個月相, 柏仲依然係只望蛋糕!>

1/9/14

1/9/14   MON   HOT

今日開學啦, 笨元正正式式係一隻小學雞, 今朝6點40我就起身了, 梳洗完叫醒埋笨元梳洗食早餐換衫出門口, 老公又話一齊送笨元校車, 點知都係唔肯起身, 反而柏仲7點就醒咗, 咪帶埋佢落樓囉, 7:15先出到門口, 其實都有D趕, 落到樓唔洗1分鐘就有車, 想同D家長講吓嘢都冇機會, 不過其實有都唔知點開始講, 因為佢地全部都係高年級, 得我同另一個係1年級, 不過原來佢係爸爸揍, 都冇咩水好吹! 搞掂就抱番柏仲返上去食奶, 然後又要撘42去嫲嫲到, 等到8:15先有車, 去到葵芳仲要塞車, 柏仲就塞到瞓咗, 揍咗佢我就返工啦, 真係一朝早就舟車勞頓! 返到公司食完早餐就做自己嘢, 午飯前先去銀行, 下午就做自己嘢啦, 放工行返阿媽到接笨元, 都算合作啦, 返到屋企沖好涼叫佢攞手冊出嚟比我簽啦, 先發現佢冇帶手冊返嚟, 真係比佢激死, 唯有叫佢明天返去找囉, 好在明天我接佢放學, 有機會找清楚囉! 一邊快手煮好飯, 老公同柏仲7:45左右返到嚟, 柏仲又喺車瞓咗, 都好, 老公快手沖個涼食餐安樂飯, 之後柏仲醒咗先餵佢, 再洗埋碗都8點幾啦, 我見今日冇咩做就由得笨元睇電視, 但我發現咁都唔係咁好, 佢條友一開住電視個人就hold住咗喺到, 明天起都係把心關機! 9點幾兩隻豬瞓哂, 我終於可以做吓自己嘢, 搞掂哂就睇急診男女然後瞓覺!

<有個人仔好頑皮!>

 

 <找到子元嗎?>