1/9/14

1/9/14   MON   HOT

今日開學啦, 笨元正正式式係一隻小學雞, 今朝6點40我就起身了, 梳洗完叫醒埋笨元梳洗食早餐換衫出門口, 老公又話一齊送笨元校車, 點知都係唔肯起身, 反而柏仲7點就醒咗, 咪帶埋佢落樓囉, 7:15先出到門口, 其實都有D趕, 落到樓唔洗1分鐘就有車, 想同D家長講吓嘢都冇機會, 不過其實有都唔知點開始講, 因為佢地全部都係高年級, 得我同另一個係1年級, 不過原來佢係爸爸揍, 都冇咩水好吹! 搞掂就抱番柏仲返上去食奶, 然後又要撘42去嫲嫲到, 等到8:15先有車, 去到葵芳仲要塞車, 柏仲就塞到瞓咗, 揍咗佢我就返工啦, 真係一朝早就舟車勞頓! 返到公司食完早餐就做自己嘢, 午飯前先去銀行, 下午就做自己嘢啦, 放工行返阿媽到接笨元, 都算合作啦, 返到屋企沖好涼叫佢攞手冊出嚟比我簽啦, 先發現佢冇帶手冊返嚟, 真係比佢激死, 唯有叫佢明天返去找囉, 好在明天我接佢放學, 有機會找清楚囉! 一邊快手煮好飯, 老公同柏仲7:45左右返到嚟, 柏仲又喺車瞓咗, 都好, 老公快手沖個涼食餐安樂飯, 之後柏仲醒咗先餵佢, 再洗埋碗都8點幾啦, 我見今日冇咩做就由得笨元睇電視, 但我發現咁都唔係咁好, 佢條友一開住電視個人就hold住咗喺到, 明天起都係把心關機! 9點幾兩隻豬瞓哂, 我終於可以做吓自己嘢, 搞掂哂就睇急診男女然後瞓覺!

<有個人仔好頑皮!>

 

 <找到子元嗎?>