24/9/14

24/9/14   WED   HOT

柏仲而家真係準時過鬧鐘, 就算我6:40起身時佢仲瞓緊, 差不多7點佢就會醒! 帶埋佢出去wet吓啦, 返屋企後就食奶, 然後我就摺埋D衫先出門口入嫲嫲到啦, 今日都遲咗, 食埋早餐閃人都9點多, 返到公司都係做咗自己嘢先啦, 知道D老細今日返嚟開會, 都快D搞掂自己嘢去開會, 聽佢地廢話完就做埋明天開會個議程, 食完飯就做埋會議記錄, 然後做自己嘢啦, 終於搞掂哂10月個餐單, 又完成一項! 放工返去揍笨元, 今日少功課做好哂, 又早撘到車返屋企, 煮GE餸又簡單, 煮緊時已可以幫佢睇埋功課溫埋書, 老公回來後等佢沖好涼先炒埋菜, 柏仲今晚食蕃茄飯好like喎! 洗埋碗捉佢執書包等等, 都搞到10點先瞓, 因為佢要做埋視藝幅畫先瞓嘛! 柏仲就食完奶瞓咗啦, 10點幾睇新劇, 完全唔知佢講咩, 所以11點多就瞓, 但柏仲12點幾咳喎, 仲嘔咗D痰, 又要換衫換床單咁, 好在好快瞓番!

<偷完嘢放入口...斜望我知唔知!>

 <比人發現咗即刻放手...>

 <跟住再攞番嚟食!>