12/9/14

12/9/14   FRI   HOT

今日鬧鐘響柏仲就一齊醒埋, 唯有揍埋佢落樓送子元上校車, 返上去就食吓奶休息吓, 但有D慢咁先出到門口, 所以出去撘42A時又見到架42喺對面, 今次又跳唔切落車啦, 冇法啦唯有照出去撘42A囉! 入到去食埋早餐就走啦, 返到去做吓自己嘢啦, 又上skype吹吓水咁, 午飯後大老闆娘佢地返哂嚟, 好在都好快就走, 所以下午又好free啦, 諗諗吓今晚其實都夠時間煮飯, 所以放工先去快買個餸, 然後返屋企prepare定一部份先, 跟住6:30就出去接佢地放合唱團, 然後去咗室內運動場同程太會合, 幫佢兩個換好衫就去泳池找阿sir, 送咗佢地入去我地就可以返屋企先, 預備埋下半場, 等老公揍埋柏仲返嚟, 程生又到埋就去泳池接佢地啦, 問吓阿sir教成點等等啦, 我用$50換嚟子元唔怕水其實都真係幾抵! 跟住返屋企兩個細路就沖涼, 我就煮埋飯, 然後咪食飯吹吓水囉, 都10點先走, 柏仲都要食奶, 一食完即暈, 跟住就對子元D功課同回條, 11點多先去沖涼呀, 可能過咗最眼瞓的時間, 所以陪老公睇埋隋唐先瞓!