23/9/14

23/9/14   TUE   HOT

柏仲6點半未夠就醒咗, 真係搞到我冇覺好瞓, 跟住捉咗子元起身, 食完早餐又唔換校服, 搞到我發哂顛, 真係大叫嗰隻! 好在最終都趕得切校巴, 但我就唔鐘意佢唔郁囉! 返上樓餵柏仲佢又食唔哂, 浪費! 撘42A入到嫲嫲到, 食埋早餐就返工啦, 朝早都係吹水啦, 冇咩mood開工! 午飯後都係悶悶地咁吹吓水, 做吓自己嘢, 知道老細唔返嘛更加hea, 又prepare吓10月個餐單啦, 慢慢掌握到個份量都OK GE! 放工返阿媽到接笨元啦, 知道今日勁多功課, 好在都做得切, 等佢執齊嘢, 我又執齊餸啦就走人啦, 好在等咗一陣就有車, 返到去都係6:45, 沖好涼開始煮飯時老公就返啦, 柏仲咪周圍搞搞震囉! 我完全冇時間理佢呀, 要快手搞掂餐飯食埋食埋碗都8:45, 老公揍住柏仲玩, 我就同笨元睇功課溫書, 搞得嚟都9:30啦, 比佢玩陣就要瞓, 柏仲就一早食埋奶瞓咗, 今晚連抱都冇抱過佢呢, 我同佢只有朝早的相處時間! K.O.埋笨元就可以休息啦, 今晚急診大結局, 都OK啦Happy Ending! 睇隋唐時敷吓mask敷到瞓咗, 散場時就醒啦, 入番房再瞓!