9/9/14

9/9/14   TUE   HOT

今日係中秋補假, 柏仲早早又係到嘈囉, 點解放假唔可以瞓晏D呢! 七點幾八點梳洗完就餵埋奶啦, 然後等老公起埋身就出去食早餐, 冇咩要買所以10點幾返番屋企啦, 老公負責K.O.柏仲, 我就要對付子元, 對功課睇手冊檢查好執書包, 真係足以激到你嘔血! 叫做完成哂啦, 我都冇咩力但仲要做家務! 難得老公自動自覺起身就叫佢煮午餐, 我就餵柏仲食咗通粉, 出街前食埋支奶! 老公話撘巴士去Mega Box, 撘得唔耐但等得耐囉! 去到先行反斗城, 買咗Tiger份生日禮物同埋柏仲張地墊, 由於未夠鐘食奶所以周圍行吓先, 6點多食完奶就到我地食晚飯, 試咗新嘢食韓食家, 都幾好食, 可惜油煙大笨元係咁咳, 去廁所時仲嘔添! 7點幾回家啦, 老公本來想撘的士, 我反對, 又唔係超時間, 唔好浪費無謂錢! 返到屋企都係8點幾9點, 沖完涼兩個細瞓咗都係10點多, 咪同平時差不多, 睇電視到12點左右就瞓啦, 睇電視時先諗到今日係相識12周年, 不過結婚後其實都冇咩諗呢D日子架啦!

<兩兄弟好可愛!>

 <子元用咗$5零用嚟玩架!>

 <韓燒正!>