22/9/14

22/9/14   MON   HOT

今朝柏仲又一早起身啦, 想唔揍埋佢落樓都唔得, 拖笨元起身搞掂出門口啦, 落到去剛剛好校巴到咋, 返上樓搞掂埋柏仲就出門口啦, 揍咗柏仲比嫲嫲就返工啦, 朝早D老細返哂嚟, 好在食晏前已走, 咁都冇咁慘! 午飯後睇吓VS嵐啦, 下午都係做吓自己嘢, 計劃吓10月個餐單, 食埋個tea就放工, 返到去阿媽到快手叫笨元執嘢行, 仲要買埋個瓦煲先去撘車, 又等咗勁耐先有車喎, 結果6:50先返得到屋企, 剛沖好涼老公就返, 柏仲瞓咗, 煮好飯食埋佢先醒, 咁就餵佢食咗蘿蔔同節瓜咋, 洗埋碗8:45先開始同笨元睇功課溫習, 好在10點前已瞓到, 餵埋柏仲交咗比老公K.O.埋佢瞓, 終於抖得, 但睇急診睇到11點已頂唔住瞓咗!