25/9/14

25/9/14   THU   HOT

今日都係如常咁起身揍仔啦, 前兩日爆佢一穫勁GE, 子元就合作幾日咁啦, 揍埋柏仲落去送校車, 返上樓就食奶, 8點多出門口, 竟然博到架42喎, 輕鬆地入到去啦, 食埋早餐就返工啦! 上午都係做吓自己嘢, 12點幾食午飯先, 因為下午要過去開會, 之前過明星攞埋星期六船飛先, 順手睇埋條路要點行, 時間要幾多等等! 攞好飛就過商會啦, 原來喺地底行過去好快! 老闆塞車遲咗到, 搞到會都遲左開, 又多嘢講喎, 4點多先走得, 去city super買埋餸先返去, 今晚煮西餐, 其實好多嘢想買架, 但又怕太貴囉! 買得嚟返去阿媽到接咗子元先, 都5點幾先過到去, 返得屋企都6點啦, 仲諗住早D返嚟執咗行李先添! 唯有返到去先沖好涼再煮嘢再幫笨元睇功課再同一時間執吓我同笨元D行李, 所以都幾混亂吓! 老公返到嚟我再繼續煮埋餐西餐啦, 但到我叫開飯時又冇人理我, 叫咗三四次都唔理, 話就話同D仔玩緊, 但總之叫開飯就要停架啦, 於是激嬲我啦, 佢D借口有時真係令人更加火, 咩叫慢慢停呢, 簡真係歪理! 好在我地係爆完就算GE啫, 食緊時都冇事架啦, 洗埋碗再把握時間執嘢, 期間K.O.咗柏仲啦, 又陪咗子元一陣, 慢慢睇吓電視又執吓嘢咁, 今晚唔知做咩子元瞓瞓吓又走出嚟嘔, 柏仲原來都嘔過喺床, 但佢照瞓, 仲係好冧嗰隻, 所以抺吓佢, 鋪過條毛巾就由佢照瞓, 明天才算!

<可以同daddy一齊撘巴士!>