3/9/14

3/9/14   WED   HOT

今朝早因為約咗小一班媽媽去飲茶, 所以叫老公揍柏仲入去, 我就搞掂笨元上校車, 再餵柏仲食埋奶, 我就出門口啦, 過到荔天嗰邊8點多啦, 齊齊去酒樓我都唔客氣叫嘢食啦, 其實大家都係初見面, 又冇話特別好唔好傾GE, 吹到9點多我真係要閃了, 返到公司都係hea啦, 午飯後食吓生果食到好飽! 下午有好多人嚟見工, 但D高層其實真係唔多識控制時間, 你15分鐘見唔到一個人就唔好約人咁早, 等咗成粒鐘, 我都替D人慘! 4點幾才輪到我地開會, 又要傾余記D嘢, 好在5點半都走到啫, 要過去阿媽到揍番笨元再撘巴士返去, 馬上沖涼然後開始煮飯, 笨元都叫做執好哂D嘢先玩, 老公7點幾返到嚟, 沖埋涼就開飯啦, 但柏仲唔多願食, 都只可以由得佢! 洗埋碗就抱吓柏仲啦, 因為老公同笨元砌緊個足球機, 但都要砌好耐呢, 9:15柏仲叫食叫瞓啦, 餵奶時子元同daddy入咗房玩陣足球機啦, 以為柏仲食完奶就瞓啦, 點知條友係咁企起身, 所以叫老公K.O.佢, 我搞掂笨元! 仲要摺埋D衫, 執好哂嘢先有得抖, 今晚都真係好攰, 11點幾就即瞓!

<學校D相upload得好快, 睇到子元在學校活動!>