17/9/14

17/9/14   WED   RAIN

今日要返學啦, 朝早拖子元起身, 柏仲瞓緊可以唔理佢, 揍咗子元撘校車就返上樓, 柏仲仲瞓緊所以我就prepare埋今晚D肉, 然後先餵奶出門口過嫲嫲到, 好彩地撘到加42喎, 入去食埋早餐就返工啦! 朝早開會呀, 所以老細們全部朝早就返咗嚟, 好在開完會佢地就走咗啫, 咁做吓會議記錄又食飯啦, 飯後再做吓, 又skype吹吓水咁啦, 放工就去揍笨元, 婆婆都有投訴叫佢做功課就眼瞓! 揍咗佢返去就沖涼先啦, 老公今日請咗病假, 所以都好早返咗嚟, 咁佢揍咗D仔我就煮飯啦, 食埋洗埋碗都8:45! 馬上睇功課, 中文的閱讀理解真係超難, 要識睇哂D字根本冇可能, 咪要教佢方法囉, 教教吓柏仲又要開餐, 又要餵咗佢先, 隻豬仔係要我餵先飲, 好麻煩, 搞掂繼續同子元睇功課, 最終搞掂哂已經10點有多, 佢都頂唔住要瞓啦, 我都睇到9點半套劇的水尾, 睇埋急診就瞓, 超攰!

16/9/14

16/9/14   TUE   RAIN 8號風球

今日賺了半日假, 朝早照常鬧鐘響起身啦, 睇手機仲8號, 喜出望外, 去個廁所開電視confirm吓個8號會幾時落, 咁新聞話早上大部份時間都維持8號, 咁就唔洗煩啦, 再瞓! 可惜瞓唔番, 柏仲7點幾就醒咗, 於是都係要起身餵佢, 到咁上吓叫老公起身煮早餐, 奶奶竟然9點幾10點就過咗嚟, 佢話有巴士, 咁佢過咗嚟都好, 因為10點40分就落波, 我地可以慢慢搞掂嘢就出門口返工, 12點幾返到去先食飯囉, 睇吓電視咁, 老細下午返咗嚟, 簽吓嘢咁啦, 跟住都係自由時間架啦, 放工返去煮飯, 但老公唔多欣賞咁清的餸, 搞到我撞火囉, 激死!! 煮埋你食仲咁多嘢講, 可惡! 我都未話返屋企後到食完碗前我連梳化都冇坐底過呀! 洗完碗仲要同子元溫書, 捉佢做埋D嘢9點半就瞓啦, 然後餵埋柏仲食奶, K.O.埋佢就自由啦, 睇吓電視到11點半未夠我就瞓了, 老公掛住睇隋唐, 我唔等佢啦, 佢朝朝8點先起身, 但我6點半就開工!

15/9/14

15/9/14   MON   1&3號風球


今日如常要揍笨元上校車啦, 柏仲又醒咗咪揍埋佢落去囉, 返上樓餵埋奶就等嫲嫲過嚟, 我就出門口返工啦, 返到去都係hea吓啦, hea埋今日咋, 老細明天就返啦!! 食午飯時大老闆娘全部都係到, 真係唔多like! 飯後都係打吓機啦, 好在佢地都好快閃啫, 咁就可以繼續hea啦! 一放工就去接笨元啦, 勁大風, 好在冇咩雨都唔係好濕! 回家後嫲嫲都回家啦, 因為將會打八號, 咁我就沖好涼煮飯食啦, 不過心情麻麻地, 做好哂D家務又要睇功課, 溫埋書就執好嘢瞓覺啦! 我就可以休息吓啦, 睇埋急診就瞓啦!

14/9/14

14/9/14   SUN   HOT*

今日都係hea日! 柏仲準過鬧鐘就醒, 拖到7點幾8點先起身餵佢, 然後等老公起埋身就出去食早餐, 仲有去超市shopping, 要買幾日餸原來都唔少錢, 真係點慳都係要錢, 個收銀都幾好, 夠$300就叫我比咗先, 咁另一張單又夠$150喎, 最終慳咗$42, 真係唔錯架啦! 將D嘢放哂落柏仲架車推番去慳水慳力, 仲仲喺車仔仲瞓埋添, 返到去佢再瞓, 我就同子元溫習, 真係好安慰佢大部份都識哂, 大半個鐘搞掂, 佢就同daddy出門口去練波, 我就同柏仲喺屋企, 12點幾柏仲醒咗嘛就食咗奶先, 然後再食通粉, 老公打嚟話唔記得帶報名表同票, 要我攞過去球場, 搞到我冇得睇running man, 又要帶埋柏仲過去啦, 不過就可以去食吓佢地話好好食嗰間茶記! 食完回家全部洗白白, 然後餵柏仲食奶後叫老公打暈佢, 我就可以整吓明天D餸同湯, 老公晚上出去踢波前煮埋拉麵比我地食先, 跟住同子元玩吓囉, 柏仲醒咗就要餵晚餐, 都係通粉咋, 不過就食咗小半碗! 跟住都係玩吓又睇吓電視啦, 子元9點半瞓覺, 柏仲就食埋奶又暈過, 我10點幾已可自由啦, 上吓網打吓機睇吓電視咁, 老公回來後齊齊hea吓到點幾就瞓啦!

<出浴柏仲!>

13/9/14

13/9/14   SAT   HOT

今日柏仲7點未夠就起身, 其實真係唔洗咁早, 搞到我局住7點半起身餵佢, 再搞掂笨元出門口去畫班, 一樣早過敏瑩佢地到, 食埋嘢就上去畫班, 我就返工啦! 因為唔想叫醒柏仲, 於是叫咗程太幫我揍子元到公司, 咁老公等柏仲醒咗差不多時間就過嚟交收, 佢攞番子元去踢波, 我就揍住柏仲, 咁我D同事就玩咗柏仲一個鐘啦! 1點閃人回家, 因為瞓夠啦嘛, 柏仲完全唔肯瞓, 所以返去比佢食咗奶先, 跟住佢係都唔瞓, 所以煮通粉佢食, 食完都係唔瞓, 搞到我咩都做唔到, 老公3點幾返嚟, 要佢K.O. 咗柏仲, 我都喺廳瞓咗, 瞓到五點幾柏仲醒啦, 就餵埋佢先出門口入沙田, 但都7點幾先入到去, 先餵柏仲食咗D飯先, 跟住先到我食啦, 因為冇位邊抱住佢餵邊自己食! 等佢唔食我先開始食, 之後都係例牌吹吓水咁啦, 9點左右真係要走啦, 一來我都攰, 二來柏仲都要返去食奶! 撘86返去我都瞓咗, 回家後先係D細沖涼, 然後等我沖埋涼先餵柏仲, 佢之前喺巴士都瞓咗呢! 兩隻細瞓咗就自由啦, 不過都係hea陣就瞓!

12/9/14

12/9/14   FRI   HOT

今日鬧鐘響柏仲就一齊醒埋, 唯有揍埋佢落樓送子元上校車, 返上去就食吓奶休息吓, 但有D慢咁先出到門口, 所以出去撘42A時又見到架42喺對面, 今次又跳唔切落車啦, 冇法啦唯有照出去撘42A囉! 入到去食埋早餐就走啦, 返到去做吓自己嘢啦, 又上skype吹吓水咁, 午飯後大老闆娘佢地返哂嚟, 好在都好快就走, 所以下午又好free啦, 諗諗吓今晚其實都夠時間煮飯, 所以放工先去快買個餸, 然後返屋企prepare定一部份先, 跟住6:30就出去接佢地放合唱團, 然後去咗室內運動場同程太會合, 幫佢兩個換好衫就去泳池找阿sir, 送咗佢地入去我地就可以返屋企先, 預備埋下半場, 等老公揍埋柏仲返嚟, 程生又到埋就去泳池接佢地啦, 問吓阿sir教成點等等啦, 我用$50換嚟子元唔怕水其實都真係幾抵! 跟住返屋企兩個細路就沖涼, 我就煮埋飯, 然後咪食飯吹吓水囉, 都10點先走, 柏仲都要食奶, 一食完即暈, 跟住就對子元D功課同回條, 11點多先去沖涼呀, 可能過咗最眼瞓的時間, 所以陪老公睇埋隋唐先瞓!

11/9/14

11/9/14   THU   HOT

今日又係半拉半拖笨元起身囉, 食埋嘢換衫要仆落樓咁滯, 好在一落到樓架車先到, 啱啱好! 上番樓柏仲醒咗啦, 就食埋奶再出門口囉, 今日真係出到去撘42A啦, 但見到有42嚟都激激地氣, 不過我撘42A都快入到去咁就算啦! 食埋早餐返工, 冇咩做咁都要找D公事出嚟做吓架, hea 到lunch食飽飽睇電視囉, 可能食咗太多生果, 下午都胃漲漲咁! 放工去揍笨元啦, 本來老公話一齊去因佢已收工又過開嚟, 但我覺得佢應該早D入去揍柏仲嘛, 所以去到巴士站都係叫佢入去嫲嫲到揍仔好D! 咁我揍笨笨就回家, 馬上要佢沖好涼執好功課出嚟啦, 之後咪比佢玩囉, 空當時間我就對好埋D功課叫佢執埋書包校服等等, 老公都差不多8點先返到嚟, 因為都係食番做節D餸, 所以我都唔係太多嘢整, 食完食埋碗抺埋地就放佢地出嚟玩, 不過都要開始洗吓笨元腦, 我洗完碗後就要溫書, 唔可以再玩咁耐! 今日放過咗佢, 食吓生果食埋個冰皮就刷牙瞓覺, 跟住到柏仲食埋支奶, 佢今日5點幾食咗飯就唔肯再食奶, 但返到嚟同我地一齊晚飯時佢又食咗小半碗飯, 所以都由得佢啦, 冇咩問題, 食埋支奶即暈! 我就睇埋急診就瞓, 老公日日8點先起身, 所以夠精神睇埋隋唐先瞓, 我唔理咁多啦12點前就瞓, 因為6點幾又要戰鬥!