13/4/15

13/4/15   MON   WARM

放咗咁多日假返工, 真係魂魄都未返, 子元都係囉, 差D趕唔切校車! 返上樓咪餵柏仲囉, 不過條友都有D唔妥, 食完奶又扭瞓, 不過我要返工啦都唔理得咁多, 返到去都係過番D相等等, 話咁快就中午啦, 食完飯就hea吓啦, 下午老細返咗嚟, 完全唔捨得走之餘, 仲搬哂D嘢過嚟做, 因為要曬佢D股票, 心諗關我叉事咩, 有錢你又唔會分比我GE! 但就係到阻住哂囉, 仲要我開始作痛周身骨痛啦, 所以叫老公攞多張籌我睇醫生, 放工去接笨元再撘車去醫院啦, 柏仲已經睇完, 我地去到即刻有得睇, 本來我都未有燒, 但愈來愈唔妥, 食完飯飛的返去我已經好迷吓, 但點都要搞掂埋笨元先瞓得, 嗰時已經發緊燒啦!

12/4/15

12/4/15   SUN   WARM

今日終於比較hea少少, hea到都唔知醒去學畫班, 不過都由佢啦, 仲未休息得夠! 點知諗住夠時間比佢去學珠心算, 石sir又唔記得咗, 又冇得上, 好在敏瑩咁啱喺圖書館, 咪過咗去找佢囉, 因為未夠鐘踢波! 我同仲仲出去食完早餐, 返屋企又係困獸鬥, 不如一齊過去玩吓, 午飯去咗幸福邨茶餐廳食, 子元就可以去踢波, 我地hea吓, 又去食錢樂園玩吓, 夠鐘就去接番佢, 返屋企老公同柏仲休息, 我就要做埋旅行D手尾—摺衫! 老公5點幾又去踢波, 得番我睇住兩個, 等柏仲醒咗就去大快活食晚餐, 但笨元唔多食得, 反而柏仲又OK, 食完比佢地去遊樂場玩吓, 返屋企就沖涼比佢地自己玩吓, 9點半叫笨元去瞓, 柏仲本來都瞓, 但又係要人按腳, 唔按就點都唔瞓, 按就10分鐘已經瞓, 可惡!

11/4/15

11/4/15   SAT   RAIN

琴晚3點幾先有得瞓, 柏仲又發顛, 真係人都顛! 今朝老公又要去做兄弟, 小休結婚嘛! 8點多佢就要起身, 查實我都要, 柏仲已經醒咗仲好好精神, 我就真係完全唔想郁, 仲要煮早餐佢地食, 但笨元仲係冇咩胃口, 煮完又唔多食, 比佢激死, 咪話中午煮粥順手比埋佢食囉! 玩到疲勞過度就發燒, 真係服咗佢, 柏仲都攰啦, 粥都未煲好佢又瞓啦, 2點幾老公打嚟又話叫我準備出發, 因為佢地架28座過到嚟順手車埋我地去婚宴場地, 跟住又話要我自己行過去, 最後我叫佢喺圖書館嗰到等得唔得呀, 因為落住雨我真係好難推車推咁遠, 最終3點幾打嚟又話要即刻到, 唉…比佢玩死! 好在柏仲都瞓醒咗, 比支奶佢食咗先行, 好狼狽地上到車, 好快過到去九龍灣啦, 其實咁早來到都唔知做咩咁, 應該只係帶子元過來就算, 係佢要練舞囉, 不過條友一玩得顛又燒過, 激死, 臨開場先嚟料, 叫Ben順路過來時買退燒藥, 食咗藥抖咗陣叫做跳舞OK啦, 食嘢就由得佢想食先食啦! 仲仲就玩完一輪臨開席就嚟瞓, 但瞓得一陣又被嘈醒, 之後都嗲咗要老公抱, 成隻樹熊咁! 小休同cw個婚宴真係好特別, 唔會覺得悶ge, 又有歌舞表演咁, 全程睇住d細路已經夠攰, 子元又成日同花女去咗玩相機, 忙得佢呀! 11點幾終於走得啦, 飛的返去都係12點左右, 馬上k.o.兩隻嘢, 但柏仲又係扭, 近來扭人按住佢腳先肯瞓, 好煩, 唔係就顛喊, 好似子元咁上吓大時又係扭人陪, 係咪呢d時候就係咁呢, 我又用唔到Crying control program, 因為佢落咗床上唔番去, 等佢換咗小童床我先對付佢!

10/4/15

10/4/15   FRI   HOT
今日係新加坡最後一日了, 朝早瞓到8點多, 真係要起身啦, 梳洗完搞掂埋兩隻細就快手落去食早餐, 因為已經9點幾, 得番尾水嗰D! 食完都10點幾, 上攞埋嘢就去check out, 再坐番包車返新加坡, 都算快, 1個鐘左右OK, Randy直接車我地去金沙酒店, 等我地寄存咗行李再去玩, 由於中午時份, 所以先喺金沙行吓食個午餐先, 終於食到海南雞飯, 真係好正! 食飽行過去Garden by the bay, 都要半個鐘先行到去玩水嗰到, 笨元又係玩到顛啦, 都玩咗成個鐘先走, 條友開始攰啦, 我地都選擇咗坐的士去機場, 都唔算貴, 去到機場仲好早, 周圍行吓買吓手信等等, 夠鐘就上機啦, 今次勁多人, 冇得呃多個位, 不過子元又燒又嘔咁, 都搞到好麻煩, 總算捱到11點幾落樓啦, 馬上搞掂D嘢走人, 飛的返屋企就梳洗瞓覺, 攰到我都唔知點形容!

9/4/15

9/4/15   THU   HOT

今日行程係Legoland, 8點多柏仲喊醒, 咁齊齊起身啦! 梳洗收拾好就去食早餐, 不過都幾亂同埋要等位, 估佢唔到! 總算食完就開始入園玩! 在鋪頭睇咗陣就先去玩小朋友友場, 渣吓車仔救吓火咁, 有D仲仲都叫做玩得, 例如坐吓船仔! 坐火車遊園時柏仲瞓咗, 咁我同子元坐! 之後去Adventure嗰到, 我意然陪子元玩滑水船, 濕到呢! 玩咗好多嘢我都未乾, 終於到食lunch, 去咗食Pizza, 都OK啦! 然後玩人手跳樓機, 又玩吓小小遊樂場咁, 再去砌吓車同睇電影, 都玩到三點幾了! 之後到速度game, 笨元初頭都唔肯玩, 比老公叫多次後叫做肯, 但都係驚! 最後又玩濕身, 因為玩水上飛船咁上吓, 但在陸上有制按, 叫做射濕人, 但自己仲濕, 笨元狂玩! 之後又落雨喎, 我地5點都走啦, 返酒店沖好涼, 我再去買Burger King做晚餐, 再去咗寄post card! 再喺漊下玩lego到9點, 老公返上去K.O.咗柏仲先, 我再同笨元上去, 執行李食吓杯麵, 新山之旅最後一晚了!

8/4/15

8/4/15   WED   HOT+

新加坡之旅第三日, 由新加坡轉戰新山! 遲咗起身只可麥記快食個早餐就閃返去酒店, 包車那位Randy已經到了, 非常好招呼, 搬好行李開車, 個幾鐘連過海關, 平日比較快了! Randy仲好人到知我地去Little big club, 叫我地放低行李就車埋我地過去, 慳咗的士錢! 過到去由於我勁頭痛, 迫住買藥食, 好在有用, 否則一日點頂! 入到little big club, 簡直包場feel, 任玩! 得嗰十幾人, 想玩咩都可以玩幾次唔洗排! 子元先去Thomas, 好在好多嘢都可以柏仲一齊玩, 唔係佢實悶! 玩到點幾出返去食嘢, 結困去咗食雞, 都OK啦有D貴! 返去玩之前仲去咗食雪糕! 入番去之後主力玩Bob the builder, 真係幾好玩的, 放電咁! 玩完又再上返Thomas到玩多轉, 4點幾閃了, 撘的返Legoland check in, 搞掂要捉笨元上房, 因為大堂lego任玩! 上房後換衫去游水, 玩到6點幾返房沖身去食飯, 去咗隔離mall食old Town white coffee, 不過不失啦, 買埋汽水雪條食吓才返酒店, 在大堂又玩到9點幾提佢先返去, 沖涼後K.O.埋柏仲可以抖了, 執明天D嘢食吓杯麵, 又12點先瞓!