13/4/15

13/4/15   MON   WARM

放咗咁多日假返工, 真係魂魄都未返, 子元都係囉, 差D趕唔切校車! 返上樓咪餵柏仲囉, 不過條友都有D唔妥, 食完奶又扭瞓, 不過我要返工啦都唔理得咁多, 返到去都係過番D相等等, 話咁快就中午啦, 食完飯就hea吓啦, 下午老細返咗嚟, 完全唔捨得走之餘, 仲搬哂D嘢過嚟做, 因為要曬佢D股票, 心諗關我叉事咩, 有錢你又唔會分比我GE! 但就係到阻住哂囉, 仲要我開始作痛周身骨痛啦, 所以叫老公攞多張籌我睇醫生, 放工去接笨元再撘車去醫院啦, 柏仲已經睇完, 我地去到即刻有得睇, 本來我都未有燒, 但愈來愈唔妥, 食完飯飛的返去我已經好迷吓, 但點都要搞掂埋笨元先瞓得, 嗰時已經發緊燒啦!