21/4/15

21/4/15   TUE   WARM

今朝柏仲明明冇咁早醒, 但不一會又聽到佢走出嚟, 應該起身嗰個就賴床! 送咗佢落樓又返上去做家務等等, 然後一齊落去食早餐, 我返工時柏仲識同我byebye, 真係好可愛! 今日都係hea吓咁啦, 朝早做吓自己嘢, 又上BK閒吓! 午飯後都係冇咩做, 老細返咗嚟一陣就走, 本來以為安樂, 但4點幾先打嚟叫你做嘢, 好在明天才比佢, 但有時佢都唔明一句說話要動員幾多人先做得到呢! 放工去接子元, 阿媽話只係幫佢溫咗默書, 返到屋企好多功課要跟! 好在老公煮咗飯, 咁D細沖好涼就食咗飯先, 然後叫子元去做功課, 我就洗碗抺地, 都邊做邊跟佢D嘢架啦, 功課係多架, 所以都要迫吓佢做先掂, 最慘係做phonics, 簡直全家總動員去找字, 找找吓我都頂唔住, 去咗沖涼先, 柏仲9點已經比我地K.O.咗, 沖完涼佢兩父子都係冇進展, 真係頂佢地唔順, 最後都係我狂找啦, 9點幾叫做做得起啦, 但冇再同佢溫默書, 希望佢OK啦! 今晚都眼瞓呀, 11點多都瞓啦!