22/4/15

22/4/15   WED   WARM**

柏仲照樣鬧鐘未響就爬上嚟, 佢瞓定定都好, 衰在唔係要周圍行! 咁我鬧鐘響就起身啦, 揍哂兩個落樓, 送咗子元校車又返上去啦, 柏仲飲完奶又冇咩好做, 咪hea吓囉! 等老公起身就去食早餐, 分手時柏仲好積極bye我喎, 冇留戀咁我又唔like! 返咗公司都係做吓自己嘢, 又要做吓公事咁啦! 午飯後不久老細就返, 真係勁無癮! 下午都忙忙地, 又要開會咁! 好在佢地都唔算遲走, 自己又有D嘢做吓! 放工去接笨元啦, 差少少就做哂功課啦, 都返屋企先做啦! 返到去都差不多有飯食, 所以快手同兩個囝沖埋涼就食飯, 之後都係洗碗抺地, 子元就做埋D功課囉! 訂嗰塊白板送到嚟, 終於完成哂佢全個房的設計, 佢亦好開心咁貼番哂D磁石上去! 柏仲8點幾已經頂唔住眼瞓, 伏咗喺老公到迷哂, 唯有開奶比佢瞓囉, 咁之後就可以睇笨元功課, 比佢玩吓, 10點前捉佢入房瞓囉! 由於唔係好攰, 就上咗BK睇吓我出嗰堆新加坡之旅分享有冇人回覆囉! 12點幾先瞓!