27/4/15

27/4/15   MON   WARM

又要開工啦, 柏仲今朝唔算早起身, 起碼我梳洗完佢先起, 揍咗笨元返學就返上樓hea! 夠鐘就出門口先同老公去食早餐然後再返工, 柏仲明明之前肯自己攞奶樽, 而家又唔肯, 好懶呀! 返到公司都係做吓自己嘢啦, 當然都有做公事啦, 午飯後hea吓囉, 老細返咗後都係做公事啦, 好在佢4點多就走啦, 咁都可以自由吓, 放工即走去接笨元啦, 買埋嘢就返屋企, 先叫笨元沖好涼, 奶奶煮咗D餸啦, 但又未煮得哂, 仲仲瞓咗, 但到我沖緊涼時佢已經醒咗, 到食得飯啦就餵飯啦, 混混亂亂咁啦, 笨元又話食完飯做功課, 但都係要人三催四請, 激死, 一人多撐腰佢就亂嚟! 洗埋碗抺埋地就同笨元做剪報, 都算快手架啦, 半個鐘左右搞掂, 又要解佢知又要佢寫, 期間餵埋柏仲放佢入房, K.O.埋笨元就可以休息, 但已經10點幾, 睇咗陣電視就瞓!