20/4/15

20/4/15   MON   WARM

今日都係如常咁起身揍子元返學啦, 柏仲又齊齊起身揍哥哥返學, 不過今日遲咗冇得上車玩, 返上樓我掛住摺衫, 結果開咗奶比佢瞓喺地下飲, 等老公起埋身搞掂嘢就出去食早餐, 今日老公又做揍仔公, 嫲嫲唔出嚟! 我就返工啦, 今日都好hea吓, 冇咩嘢做, 話咁快就食晏, 去咗買飯食, 之後都係打吓機吹吓水咁啦, 下午老細都唔返, 又喺網上閒遊! 遊到放工就去接笨元, 今日冇咩功課, 快手返去沖好涼食飯, 陸生煮埋飯, 梗係啦, 未搵到錢梗係要做吓家務啦! 食完飯老公同笨元做勞作, 我就洗碗抺地, 柏仲係咁跟住我個地拖周圍走, 好好笑! 做好嘢未夠9點, 柏仲已經想瞓, 陪佢玩到9點多就換片食奶瞓覺, 完全自己K.O.自己! 咁笨元執好埋嘢, 我睇埋功課回條, 的埋子元上床就可以休息了!