19/4/15

19/4/15   SUN   WARM

今日是一個hea日, 好似好耐冇試過咁, 好正! 朝早7點幾柏仲先叫醒我, 好好人架啦! 齊齊起身揍子元去畫班, 程生同我地一齊食早餐, 食完大家D時間返屋企都唔啱, 咁就齊齊喺街行吓, 去咗元州商場睇吓嘢, 我地終於買番車仔個鈎, 程生就買咗地墊, 夠鐘去接番佢地, 又約咗一齊食午飯, 不過各自回家做吓嘢先! 有動力下, 笨元好快好合作咁溫哂默書同今個星期教GE嘢, 都話佢肯合作有精神係好好, 柏仲就不斷衝擊我地個防線, 成日要走入子元房! 完成哂所有嘢執埋書包等, 都點幾鐘, 就出門口過去四小龍嗰邊找程生佢地飲茶, 好耐冇飲過茶啦, 超正! 飲到咁上下老公去咗踢波, 我地老實不客氣咁飲完茶就上咗程生屋企hea, 子元又想同敏瑩玩呢, 大家晚飯又冇著落, 所以等老公踢完波再過來晚飯! 上到程生到, 子元敏瑩馬上入房玩, 柏仲同婷婷喺廳玩, 大人自由活動睇吓電視咁, 真係hea得好舒服! 婷豬沖涼柏仲又想衝入去, 又比婷婷推番出嚟, 最終都比佢入到去仲叉咗一隻腳入水! 玩到7點多陸生嚟到, 就落樓食晚飯, 柏仲終於頂唔住瞓咗, 暈之前快手餵咗D飯佢食, 我地食時就輕鬆哂! 回家時醒咗, 都好GE返去都要沖涼, 食埋奶放入房終於完全冇嘈自己瞓, 算是成功了呢! 子元就要睇復仇者, 比佢睇到10點半要瞓, 我地就睇哂先瞓!

<敏瑩比柏仲戴架!>

 <搗亂中!>