10/4/15

10/4/15   FRI   HOT
今日係新加坡最後一日了, 朝早瞓到8點多, 真係要起身啦, 梳洗完搞掂埋兩隻細就快手落去食早餐, 因為已經9點幾, 得番尾水嗰D! 食完都10點幾, 上攞埋嘢就去check out, 再坐番包車返新加坡, 都算快, 1個鐘左右OK, Randy直接車我地去金沙酒店, 等我地寄存咗行李再去玩, 由於中午時份, 所以先喺金沙行吓食個午餐先, 終於食到海南雞飯, 真係好正! 食飽行過去Garden by the bay, 都要半個鐘先行到去玩水嗰到, 笨元又係玩到顛啦, 都玩咗成個鐘先走, 條友開始攰啦, 我地都選擇咗坐的士去機場, 都唔算貴, 去到機場仲好早, 周圍行吓買吓手信等等, 夠鐘就上機啦, 今次勁多人, 冇得呃多個位, 不過子元又燒又嘔咁, 都搞到好麻煩, 總算捱到11點幾落樓啦, 馬上搞掂D嘢走人, 飛的返屋企就梳洗瞓覺, 攰到我都唔知點形容!