6/9/16

6/9/16   TUE   RAIN

今日仲仲開學啦, 我時間都遇得好好架, 揍咗子元校車返上樓換衫食奶出門口, 順利撘到巴士再轉小巴, 8:20已經去到學校交收! 今年仲仲個課室喺最出嗰個, 可以成日偷望佢呢, 就係掛住望, 唔記得咗將程太交低的濕紙巾交比學校, 上咗巴士先發現呢, 又要揹一日! 返到公司都係做自己嘢啦, 寫吓日記咁, 無無聊咁過咗一朝, 午飯後都係打機啦, 下午又係做自己嘢, 4點幾老公返到香港啦, 不過佢要返去攞車先, 所以我和子元會合咗自己撘巴士入青衣先, 返到去見到個daddy梗係痴陣啦, 跟住又再顛過啦, 等開飯, 我就睇吓仲爺D回條啦, 都要做吓嘢GE! 食飯時仲仲梗係唔會坐定啦, 算…!!!我返到屋企先治你! 不過條友又做D搞笑嘢, 真係頂佢唔順, 佢走咗上嫲嫲床用D毛巾枕頭圍哂自己喺到瞓, 仲要話好舒服! 8點多就回家啦, 返去都係沖涼等等啦, 仲爺冇瞓晏覺, 要抬回家沖完喺床食埋支奶就瞓番, 老公沖完喺梳化hea咗陣就瞓咗, 子元就要做功課, 我好多事務要跟咁, 10點幾才安頓可以開劇睇, 要追番之前的芉月傳呢!

 

 

5/9/16

5/9/16   MON   RAIN

今朝揍仲仲入嫲嫲到, 真係有點長征的感覺, 主要是因為冇咗班42, 打亂哂我D時間, 已經一早搞掂哂架, 但全部巴士都夾唔到時間, 7:50諗住邊等小巴上荔景撘地鐵, 邊等巴士囉, 因為小巴都唔易等架, 咁8點等到小巴, 其實都心大心細上唔上, 因為42又話10分鐘後有, 不過都係信唔過, 都係地鐵算啦, 去到荔景上地鐵都算順利, 係去到又要行去巴士站等巴士, 結果8:30我都仲喺青衣港鐵站, 要8:40先上到去, 奶奶在巴士站接咗我就車轉車撘番42A返工, 足足個半鐘我先完成長征返到公司! 今日都冇咩特別嘢忙, 朝早寫咗日記啦, 午飯後都係打吓機睇吓電視, 下午又係hea啦, 放工去巴士站同子元會合入青衣, 等開飯時兩個開始顛, 食完飯仲顛, 跑嚟跑去, 搞到我心都煩埋! 所以8點都閃人啦, 撘的士返去沖涼K.O.咗仲爺先, 趕子元去做埋D功課, 我就沖涼啦, 睇完哂佢D嘢先放佢打陣機瞓覺, 我就摺衫睇電視啦, 睇到12點幾就瞓, 唔太眼瞓都入去碌吓, 老公明天就返啦, 太好!

4/9/16

4/9/16   SUN   HOT

今日都喺悶悶在家吽的日子, 不過都好的可以慳錢, 無事出街小破財嘛! 朝早8點幾程生過嚟接我地去畫班, 我地趕得切食早餐添, 上去仲仲畫陣畫, 條友都唔願走, 好麻煩! 跟住去番平時嗰到食早餐, 然後去投票, 程生去MTR active番張八達通等等, 做哂咁多嘢又差不多接番兩個啦, 子元要入青衣足球選拔, 老公已經聯絡咗休照顧佢, 所以程生車咗我地入去先接咗休再去埋青衣東北公園, 然後咪返屋企囉, 返去得我同仲仲都算寧靜GE! 整定嘢午飯煮粥, 等子元回來就食得, 食完玩到3點到又捉仲仲去午睡, 我地就hea, 又睇吓戲咁啦, 我睇到瞓咗, 6點多仲仲醒咗我就煮晚餐囉, 7點幾8點食得, 不過我炸豬排失敗咗, 子元好man咁話唔緊要啦, 燶嗰塊我食啦! 食完就洗碗抺地, 再同佢兩個大洗吓, 刷乾淨個身食乾淨個頭, 仲仲食完奶就瞓啦, 我都比子元睇吓電視, 等我沖完涼10點幾先瞓啦! 我都唔太夜睇電視到12點幾就瞓, 入到房見到仲爺瞓咗上大床囉, 又要抬番佢落嚟!

 

 

3/9/16

3/9/16   SAT   HOT

今日老公要飛台灣, 7點幾8點就出咗門口, 兩個細起咗身, 我就hea到9點先起, 慢慢煮早餐等等, 老公未到中午已飛到過去, 但隻船未到今日冇得做, 變咗遊覽囉, 實在太可惡! 我就喺屋企吽, 帶住佢兩個都唔知去邊好, 所以只係吽喺屋企, 午飯煮咗餐粥炒咗D菜咋, 食完玩多陣就K.O.仲仲, 但條友發惡夢瞓得1個鐘就醒咗, 我地就冇咩得休息囉! 6點幾出去AEON嗰邊, 一來真係冇哂食物, 二來過去買比卡超燈籠喎, 三來食晚餐, 咁去到先去COCO排隊食飯, 食完就比子元去玩卡, 我就同仲仲喺超市買D餸明天煮, 上返去卡機到又唔見子元喎, 原來佢玩完一次太多人唔再排, 佢就想去打電話比我, 咁喺玩具部都搵番佢, 睇咗陣都回家啦, 返去沖涼瞓, 我就做吓少少家務執吓屋咁囉, 跟住都係睇電視, 老公覆咗我我才安心瞓, 但都已經點幾兩點了!

 

 

2/9/16

2/9/16   FRI   HOT

今日都係忙碌的星期五啦, 朝早送咗子元校車就返上樓, 等老公起身就揍仲仲入青衣, 咁我就慢慢執好嘢返工, 諗住攞埋佢地游水D嘢, 唔洗行多轉! 返到去都係做吓嘢開吓會咁啦, 然後就係等食飯, 跟住睇吓電視等, 下午都係做吓自己嘢hea吓啦, 超勁悶囉, 不過悶總好過忙GE! 放工接到子元電話, 佢話漏咗杯袋喺巴士, 要我打比婆婆求救, 阿媽幫佢問站頭又上番對頭車找都冇, 最終係漏咗喺婆婆屋企囉, 真係比佢激死! 不過鬧佢都冇咩用, 咁上到小童佢地都未放咪睇番嗰本講關於ADHD同專注力失調GE書, 都有講點幫佢地GE, 但最終做唔做到都係要靠佢自己! 接咗佢地換咗泳衣打比老公, 但佢仲喺青衣塞車, 咁我地咪自己行過去囉, 送咗佢地入泳池, 老公都到咗就坐車坐一個街口啦, 仲仲吽吽地, 嫲嫲話佢今朝嘔, 又勁冇胃口仲有少少燒, 但再疴一次嘔一次又冇事, 咁唯有再觀察吓先啦! 返到去我就煮飯啦, 老公沖完涼咪睇住仲仲囉, 我都沖唔切涼, 煮得嚟佢地已經差不多到, 開得飯嚟都8點幾, 食完飯都係吹吓水啦, 執碗洗碗, 又K.O.埋仲仲咁, 今日都算好和平, 佢地走咗我就沖涼睇電視啦, 12點幾就瞓啦!

1/9/16

1/9/16   THU   RAIN

今日開學啦, 不過只限子元, 仲仲要下星期二才開學! 子元一早自己起咗身啦, 但因為要食藥丸搞咗好耐, 所以都趕落樓, 加上仲爺喺最唔適當時起身, 唔帶佢落去又唔得, 好在都唔太遲上得切校車啫! 跟住就返上樓準備佢兩父子出門口, 老公揍仲仲去嫲嫲到, 我就hea陣出門口去銀行入錢入票換埋張銀行卡! 好在夠早去排咋, 因為8:30去到都有7-8個人喺前面, 完全係同D阿公阿婆爭咁! 9:15搞掂行埋返公司, 返去都係做吓公事做吓自己嘢啦, 其實都幾hea, 老細不在冇咩所謂啦! 午飯後都係睇吓電視, 下午又係hea, 喺到維基吓D劇咁囉! 放工去街市買埋明晚D餸才去接子元, 回家都係煮粥咋, 因為老公本來話今晚約咗同事食, 但又取消咗, 咁我預咗係煮粥架嘛, 所以冇理啦照煮, 只係煎埋午餐肉咁囉! 食完就洗碗抺地, K.O.仲仲後再要睇通告, 真係好多咁呀, 又要佢執吓嘢, 10點幾先叫做做好哂可以去沖涼, 邊睇J2劇邊摺衫, 12點才free呢!