18/9/16

18/9/16   SUN   HOT

今日如常咁去畫班, 不過又要揍婷婷, 但程生同程太又溝通錯誤, 總之搞到9點幾先喺美孚食早餐啦, 食完車番程太去小童等, 我地就返長沙灣, 買嘢呀等等, 時間十分緊迫! 終於接齊哂, 老公車我返屋企, 佢就帶子元去踢波, 我就同仲仲喺屋企囉, 先係要摺咗D衫, 跟住邊睇電視邊讀書比仲仲聽, 真係分心乏術! 1點幾老公返來, 就去食午餐, 阿媽叫幫佢買禮物比人, 咁咪去沙田反斗城囉, 去到先食午飯, 餓死! 食完就行呀買呀咁, shopping平嘢係開心GE, 本來想睇吓錶, 但原來而家想買隻似樣的電子錶都唔平, 我之前買開三四百嗰D冇哂! 行到6點多閃時打比阿媽, 諗住睇吓佢喺邊, 攞份禮物比佢啦, 原來佢去咗科學園, 咪入去車佢囉, 兩隻豬就瞓哂, 返到美孚食大家樂, 食完就回家沖涼, 子元都冇咩溫過書, 我係咪太放縱呢! 明天要回復番返學mode啦!

 

17/9/16

17/9/16   SAT   HOT

今日留喺屋企的時間比較耐, 因為子元有兩場波要踢! 朝早見子元醒咗喺到打機冇溫默書又火火地啦, 咪趕番佢入去囉, 但都係默得一般! 食完早餐返嚟溫好先出去踢波, 跟住就到仲仲做功課啦, 係佢迫我爆架, 我知係難做, 但都係連幾條線啫, 爆完幾次我都冇哂力, 最終都叫做做哂, 比佢玩陣就去瞓啦! 我都可以休息吓, 摺吓衫咁, 再煮烏冬食囉, 我就自己食咗先, 仲仲4點幾醒咗再比佢食, 呢D人咪就係要餓架囉, 肚餓咪自己食哂囉! 等老公揍子元回來, 就出街食飯, 近近地去新都會咋, 行吓街食吓粥咁, 8點幾就回家了, 沖好涼子元要睇悍戰大平洋, 但睇到10點幾都中眼瞓, 咪趕佢去瞓囉! 我地都早瞓呀!

16/9/16

16/9/16   FRI   HOT

3日連假的第一日開始, 佢地冇因為琴晚咁夜瞓而遲起身, 仲仲就冇咩好嘢, 都係搗亂, 子元就起身做功課, 算係好乖啦, 記得我提過要做咩, 咁等我起身後對好功課就可以出街嘛! 先去北海道食咗早餐先, 跟住就過咗九龍灣, 都係行吓商場咁啦, 食埋午餐就帶咗佢地去坪石公園, 因為知道有好大個遊樂場玩, 本來仲仲瞓咗, 都係抱住佢睇子元玩, 到咁上吓仲仲醒了, 就比佢去玩囉, 咁都玩咗個幾鐘架, 然後咪抺汗換衫囉, 因為仲好早就再去Mega Box啦, 都係行吓囉, 6點幾就返長沙灣, 今晚到阿媽嗰邊做節, 不過今次去樓下茶記食咋, 我基本上又係照顧住兩個細, 好忙好忙咁啦, 食完就回家了, 返去沖涼瞓覺囉!

 

 

 

 

15/9/16

15/9/16   THU   HOT

中秋節快樂! 今日已經開始holiday mood啦, 仲要放4點, 更加啦! 朝早如常咁返學, 仲仲就著咗華服, 都好可愛GE! 買咗個包返公司食啦, 然後又係咁做自己嘢, 睇旅行嘢啦, 老細下星期尾返啦, 得番一個星期自由, 冇咩急GE都唔好理佢住! 午飯後都係hea吓睇吓電視咁啦, 下午又再plan, 係咁plan睇墾丁民宿, 要向其他人負責難搞過自己一家去! 4點放工即閃, 返去接笨元返青衣, 仲爺瞓緊由得佢瞓吓, 我地就飲吓湯先, 6點多就開飯了, 食到7點多, 睇埋電視7點幾走! 返屋企攞埋嘢才過去公園, 雖然渣車但都要行一段路! 去到都8點幾, 好在有人早到已霸位, 咁我地set埋枱呀, 又叫咗老公去買繩掛燈籠, 咁先有氣氛架嘛! 最搞笑係有人問我地D燈籠賣幾錢囉! 大人們吹水, 小朋友就玩, 初頭都喺枱玩boardgame, 之後開始發顛, 咁大嗰D可以比佢地喺遊樂場追逐, 細的就要睇住啦, 玩到11點幾才走, 真係好鬼攰! 大家帶咗一堆零食都食唔哂, 我又攞咗返去, 返得屋企快手沖好涼K.O.咗佢地, 我都要休息了!

 

 

 

 

 

 

 

 

 

 

 

14/9/16

14/9/16   WED   HOT 1號風球

今日都係如常返工返學啦, 今日掛咗1號風球, 都怕明天會3號, 咁就冇得開party架啦! 朝早返到去好乖咁做好公事先, 才慢慢睇行程咁啦! 午飯後就打吓機囉, 跟住都係繼續諗行程, 其實要睇好多嘢先可以寫到少少行程架! 放工返去接笨元, 阿媽話佢都好乖, 咁返到去快手煮飯啦, 因為子元想食完飯落去樓下玩屋苑的攤位, 終於搞掂哂d嘢落去, 點知人多到顛, 轉戰荔枝角公園, 行得過去都9點, Gloria喺嗰邊, 咪比佢地一齊玩吓囉! 9點幾都走, 明天還要返學, 返得去沖涼就瞓覺, 我勁攰囉, 行出去行返嚟好係嘢, 不過有意外收穫就係捉到啟暴龍, 子元興奮過我! 沖好涼摺埋衫睇埋芉月就瞓啦!

13/9/16

13/9/16   TUE   HOT

今日子元仲仲都要返學啦, 揍咗子元, 返到上樓時間充足出門口, 咪唔洗趕到隻嘢咁囉! 去到同程太講吓旅行嘢啦, 今日一日都係找酒店, 其實仲係好冇概念, 都唔知點算, 但機票就已經firm咗啦! 返到公司勁做自己嘢, 午飯去咗買便當食啦, 跟住都係打吓機咁啦! 下午繼續找, 原來要就咪另一家人旅行係咁難! 放工去接子元啦, 佢好多功課都做好哂, 因為陳主任兩公婆喺加拿大返咗嚟, 住咗喺阿媽到, 咁有3個老師管住佢做功課, 掂哂啦! 返到屋企就開始煮飯啦, 叫咗子元沖涼先, 老公回來食得飯, 仲仲本來已經食咗, 咁佢都乖仔食哂! 洗碗抺地後就到仲仲去瞓啦, 再幫子元對功課, 終於可以沖涼啦! 跟住要摺埋衫, 再睇酒店資料, 老公話佢同事睇嗰條link咪就係我同事比我嗰條囉, 不過若第二日才高雄, 民宿不能寄行李都係一個問題! 睇到攰, 就專心睇吓電視, 睇埋芉月就瞓啦!

12/9/16

12/9/16   MON  HOT

今日如常返工返學啦, 子元放假嘛, 一齊揍仲仲返學啦, 啱啱趕到開門前到, 同程太一齊入去啦, 因為婷婷仲瞓緊, 龍校長話交哂比佢啦, 你地快D撘車返工, 好搞笑! 揍咗子元去荔枝角地鐵站交收比阿媽就返工啦, 今日都係做自己嘢多, 喺到搵酒店呀咁, 但我地的要求的程家的要求好似都有D距離, 我地覺得可以住好少少, 但佢地覺得可以再找找, 而且再cheap少少都可以, 真係要磨合吓! 放工返去接子元, 佢又有咳咪同佢去偉華配藥囉, 返到去整咗少少嘢奶奶同老公佢地就返到嚟, 今日要食大包食淨帶返嚟的季季紅乳豬, 但都唔好食GE, 好在有奶奶的雲吞啫! 今晚我都冇咩心機抺地, 奶奶洗咗碗, 我就睇住兩個細, 老公送奶奶返屋企, 我就同佢兩個沖涼瞓覺啦, 9:30趕埋子元去瞓, 今晚我都攰啦, 睇唔到芉月全集就要瞓!